潮菜廳 - 潮食生日飯

食物：$$$1/2
環境：$$$
服務：$$$1/2

又飽魚，又凍蟹，正呀喂！

皆因是老豆大壽，亦即係差不多筆者既生日，梗係老媽子請食飯。

主角對食無咩要求，反而俾錢個想食潮州菜。唔知點解，揀左一家我聽都未聽過的，潮菜廳。

費事諗太多，直接叫套餐，第一道菜係冰鎮鮑魚，除了冰鎮，更有閃燈，令賣相加分。鮑魚質感軟腍，尚算夠味，不錯的開場白。
 

麻麻地

 

是晚的湯品，係瑤柱白玉雞湯。嗅不到濃郁的香氣，也稱不上足料，較可取的，只是湯頭夠熱。
 

不夠入味
 

潮菜的套餐，無理由沒有鹵水吧！這鹵水拼盤，鵝肉、腩肉、豬耳、蛋和紅腸，樣樣有啲。各款食物，均有個通病，就是鹵味有欠醇厚，或許這店子仍新，鹵水膽未夠陳年。

少不了這味

 

當然仲有凍蟹，雖只係細細隻的花蟹，但肉質不俗，沾點醋，同樣吃到停不了口。



要注意賣相

 

以鬆化的排骨換上平日常吃到的川椒雞，我好像在別處也試過。但是，再加入帶子，筆者就是首次嚐試，呢個組合，大致都可以接受，只是，賣相實在有點不修邊幅。
 

呢味唔錯
 

接著來的，鱘魚膠冬菇扒時蔬，魚膠口感良佳，菇是腍身又入味，但精華所在，卻是吸味的生菜，不要錯過。這一味，掂呀！

稍油

 

單尾的潮式炒飯，份量充足，一句講晒，乾身一點會更好。
 

健康甜品?

另點選了甜品，是服務生推介的蜜桃果凍，香是香，但吃起來卻頗為淡口，屬健康甜品嗎?

 滿足不了甜胃，齊齊去Godiva食雪糕。

餐廳資料：
潮菜廳
灣仔謝斐道391-407號新時代中心地下C舖
 2868 4266