Imasa - 平凡之中找一些特別日期

食物：$$$$

環境：$$$$

服務：$$$$

快樂星期五，訂了位，去半島酒店的日本餐廳Imasa，食放題。

經理Jack少問我，是Anniversary，抑或是慶祝咩之類… 其實，只是普通食餐飯而已。在平凡卻緊張的生活之中，找些日子，慰勞下自己，有何不可?

雖然是在吃自助餐，但Jack少深明我呢個懶人不愛走出去攞嘢食，即拍心口話，頭盤壽司刺身，等佢來安排！這樣的服務，就是我經常回頭的原因。

精緻

過了一會，接位上的頭盤奉上，實在美的令人興奮。兩隻凍蝦爽脆，銀杏口感煙韌可口，蛋卷溫度足，充滿蛋香，但最讚的，是日本蕃薯，甜得無話可說。查實，我所吃到的這些東西，全都是可以在外面自取的，只是擺放得靚仔多了。

 

食邊件先呢?

繼而，服務生將一只精美的玻璃碟放在我眼前，內容是各式各樣的壽司，有灸三文魚、左口魚、油甘、吞拿及蟹棒等，每件都握得好，沒有死實實的，個人較喜歡有灸燒過的幾款。

 

豐盛

大家都可想像到，安排了壽司，無理由沒有刺身，隨之而來的刺身盤，賣相又是教人心花怒放。當中的甜蝦和帶子，鮮到不得了，三文魚厚切，吞拿魚自然不會失禮，不過，我最欣賞的，始終是魚味濃郁的池魚。

鮮美

仲有仲有，係我超愛的海膽。青瓜之上的大堆海膽，又係極之鮮美，大口吞下去，滿足度爆燈。

 

好吃

食左咁多，真要出去行個圈，落下隔。又拿了茶碗蒸回來。最中意佢夠熱，打開蓋子香噴噴的，質感滑溜是預期之中，且蛋香十足，內裡又有蟹肉等，豐富層次，吃得滿足。

 

甜得很

另外，拿了一小碗粥，因上次吃過，有驚為天人的感覺。粥底綿滑，味道甜美，仲有隻蠔，無得彈。

 

靚牛

這放題，每人還可選一款主食，我們就揀飛驒牛鍋，以及鰻魚飯。前者的牛肉品種根本就是好，輕輕燙下，肉質嫩口，對我這個食肉獸而言，是無可能唔中意的。

 

就咁食更好

至於鰻魚飯，鰻魚水準很高，米飯亦圓潤可口，不論是就咁食，還是弄成茶漬飯，同樣喜歡。

 

醫甜胃時間

再飽，也不能跳過甜品時間，輕怡的士多啤梨卷，濃郁的朱古力撻，抑或是檸檬撻，同埋馬卡龍，統統被我吃清。

 

半島的雪糕從來好吃

今期的雪糕，是桃，以及蘋果口味，兩款都精彩，但桃味的一款，香氣會更為突出。

 

香濃

嘆埋杯香濃咖啡，又是圓滿的一晚。

我，會再來的！

餐廳資料:

Imasa

尖沙咀彌敦道19-21號半島酒店1樓

2696 6715