花盃日本料理 - 很享受的鐵板燒

食物：$$$$

環境：$$$1/2

服務：$$$1/2

近期忙得不可開交，就是晚上出席試食局的次數也減少了，更遑論約朋友出來好好的食番餐自己想吃的。趁在打風前的日子，把所有東西安排好，難得地跟兩位老友去到花盃 – 一間我期待已久的餐廳來一頓鐵板燒，近距離欣賞師傅的表演。

開開胃口

翻開餐牌，正好有三款一人午餐，松、竹、梅，內容略有不同，乾脆要齊三份，大家分吃，仲可以品嚐到更多的東西，就咁決定。點餐後，先有開胃的沙律去作熱身，各款沙律菜新鮮，車厘茄清甜，配上酸酸的醬汁，寧舍醒胃，我已經準備好吃往後的食物啦！

 

海鮮環節

以燒海鮮類開始，當中有燒大蝦、帶子和銀鱈魚。看師傅純熟地把海鮮在鐵板桌上舞高弄低，食物顏色愈變得吸引，而且香氣四溢，實在令人引頸以待，師傅快啲手丫唔該。

 

彈牙

大蝦肉爽脆彈牙，味道甜美，根本無需沾任何醬汁。老友都很禮讓，留了蝦頭給我。蝦頭燒得極香脆，蝦羔唔使問都知是甘香，真感謝兩位對我的痛愛。同樣地，帶子的質感是十分彈牙，味道很鮮，相當精彩。

 

較易散

銀鱈魚的份量不少，外層香口，肉質嫩滑，加一點胡椒調味，已經足夠，只可惜好容易散開。同埋，如果能夠把魚皮拆開，再燒得脆卜卜的話，效果必定會更理想。

 

好想獨食

海鮮以後，就輪到邪惡的法國鵝肝出場。燒得外脆內嫩，沒有筋，甘香美味，入口溶化，連同麵包來吃，是沒有不好吃的可能。只恨一個鵝肝三條友分，有點到喉唔到肺的感覺，下次我要獨力完成。

 

快手D丫, 唔該

鬆化

然之後係牛肉薄燒，用上日本牛，口感自然更佳。所以吩咐了可以弄生一點，眼見師傅兩邊輕輕的燒一燒，便夾上蔥和炸蒜，吃起來肯定是鬆化好味。至於牛柳，我們則要了美國牛，但火侯把握得好，口感依然鬆化，肉味較日本牛更濃，連同炸蒜吃，不比和牛遜色。

 

我也喜歡吃炒飯

香噴噴

炒飯時間，其實個人很喜歡吃炒飯，這裡的水準也很不錯，乾身香口，粒粒分明，再飽都可以整碗清掉。另外，味噌湯都唔會有搶喉的感覺。

 

好送飯

簡單的炒芽菜，做得爽脆，沒有太濕，我喜歡跟炒飯同吃。

 

比預期中好

是日的甜品係芝士蛋糕，坦白說，賣相是有點hea，但想不到質感幾軟熟，芝味合適，比預期中好。

 

咖啡作結

以香濃咖啡作午餐的終結。如果杯咖啡可以大番些少，就好了！

餐廳資料:

花盃日本料理

銅鑼灣新寧道8號中國太平大廈2期2樓

2577 9799