2011年1月20日 星期四

老三火鍋 - 友共情不變


食物:$$$1/2
環境:$$$
服務:$$$1/2

老三火鍋,在區內薄有名氣,很多時搭小巴,都會聽見司機大佬說要來老三烚吓烚吓。



既然能得到司機大佬的歡心,環境必定是「街坊」一點,不會拘謹。是晚多得食家朋友幫手留了檯,才可以放工施施然走過去。否則自己「盲盅盅」咁走上去,肯定會換來一句明天請早。



調味醬料只有四款,比起現時坊間流行的十多款選擇,是欠缺了一點驚喜。不過,我都說過,打邊爐的調味,只要有蒜泥和豉油,就可以滿足我,簡簡單單才是最美味的。



打邊爐最好的地方,就是可以邊食邊等遲到的朋友,這晚也不例外,食先。一致通過湯底就要呢度既招牌鍋老鴨湯,由於人數不多,半隻鴨便足夠了。眼見的材料有老鴨、蘿蔔片、仿翅、杞子等,都算豐富既。未烚之前,可先加點蔥花喝一小碗湯,是有點鴨香味,但似乎也有MSG成份在內。



吃火鍋總要有牛,是次要手切肥牛,輕輕的燙一燙便可以食,牛肉是不韌,但牛味完全欠奉,必需要自行調味才吃;另外也點了牛脷,較為薄身,吃起來稍嫌不夠爽口。



日本黑豚肉,上檯時大家都說太肥了,但我就是喜歡這個樣子。其實灼好之後,肥的地方口感爽脆,只要夾著少許的瘦肉,已經好吃。



呢度既丸子係手打既,而且見到什麼全港首創醉雞丸,所以才會點。與其都要叫,直頭叫個雙拼,要多份手打墨魚丸。墨魚丸彈牙,味道可以;馳名的醉雞丸原來是手打雞丸裡頭挖空加入了花雕。口感不錯,帶有酒香的丸子,幾好,但要小心吃,因為裡頭太滾,很燙口。



這裡的鮮鮑魚,用上大連鮑,不會很大隻,味道亦未算濃郁,但勝在柔軟彈牙,只賣$12/隻,交足貨了;反而蟶子,雖然爽口,但感覺就是不肥美。同埋我總覺得,蟶子是要炒才好吃的。



自從發現了午餐肉打邊爐係咁好味之後,每次均會點一客。吸收了湯底精華的午餐肉,口感軟腍,味道也自然好。不過,始終是配麻辣或者蕃茄湯底,效果會更勝一籌。



朋友還點了炸魚皮,快手的淥一淥便吃,總唔會難食。可是於我這貪香口既人來說,不用下鍋,就咁食更過癮。



還有那些芝士腸、餃子、烏冬等配料,一向只是填肚性質,不再詳述,反正我會認為是可有可無。



以前跟這幾位合拍的舊同事天天Lunch,如今各散東西,仍會定期聚會,真是開心。唔知,第日大家仲有冇機會再次合作?

餐廳資料:
老三火鍋
深水埗順寧道47B號舖
2360 2336

沒有留言:

張貼留言