食物：$$$$
環境：$$$$
服務：$$$$
要找地方跟朋友Farewell ，左思右想，再考慮主角的喜好，還是覺得吃中菜比較合適。
選擇合和軒，皆因環境清雅、有廳房，大聲喧嘩都唔怕嘈親人。食物不是按位上，我哋根本唔需要咁拘謹，自己中食食乜就夾乜，更加熱鬧且輕鬆。
是夜真的好隨心，甚至菜單也沒有預先寫好，臨場發揮。
每人會先送一小份的小吃，麻辣雞絲嫩滑，辣度未至太誇張，只是幫助打開胃口。打頭陣是人人有份的酒糟鮑魚，個子有番咁上下大，質感卻絕不會過韌，滲出淡淡酒香，乃清新之選。接著來是生汁芹末脆蝦球，大隻又爽脆的蝦球，沾滿芥末沙律醬，都幾醒胃，若然芥末可稍稍放少一點，會吃得更舒服。銀鱈魚的口感幾好，唔會太鬆散，重點還是頭抽，與及蔥香，令成件事生色不少，其實單是食蔥都已經好正。這裡的咕嚕肉，有別於坊間的出品，因為分別會用上柝花肉及腩肉，一碟可以帶來雙重口感，結合焦糖菠蘿，的確更有層次。常說無雞不成宴，見餐牌有新產品，松露菜膽上湯雞，即來一隻。賣相唔錯的，雞肉嫩滑是理所當然，即使雞胸位置亦沒有嚡口，松露香而不會蓋過雞本身的鮮味，我哋無揀錯。席上有朋友不吃羊，那大漠手抓羊，只來例牌就可以。羊味適可而止，肉質嫩口兼帶點肥，沾上汁醬，我吃了三件才收手。大魚大肉後，應該要有個菜去平衡下。甜梅菜蒸菜心苗，菜心的確很嫩口，甜柝菜也起了很大的作用，惹味得多。單尾的炒飯，乾身粒粒分明不在話下，既有蟹肉的鮮，又有松露醬既香，以及櫻花蝦的脆口，層次十分豐富，再飽也吃清一小碗。席上不乏甜魔，所以也選來一系列甜品。酥皮蛋撻仔是每次來必吃的，楊枝甘露清新足料，據說蛋白杏仁茶都保持高水準，大家也吃得滿意。是夜，眾人都盡興而歸~
餐廳資料:
合和軒
灣仔堅尼地道15號合和酒店20樓
26203288 / 69226283 (WhatsApp)
沒有留言:
張貼留言