海外篇：名島亭 - 在博多要吃拉麵

食物：$$$1/2
環境：$$$$
服務：$$$1/2

系島之行非常充實，一天走訪島上多個景點，回到博多已是晚上七點幾，係時候醫肚。

在拉麵一條街找吃，拉麵店多得眼花撩亂，太累唔想等，隨意搵間唔使怎排隊的進去，就是這家名島亭。

有別於其他拉麵店，這裡不是在拉麵機襟嘢食，而是有專人點餐。反而，當麵食準備好，卻又要自己拎，跟足香港快餐既模式。

看見一款期間限定的拉麵，看似幾吸引，即管一試。

湯頭以豚骨為基底，加上辛辣味，是合格有餘的了。兩件又厚又長、肥瘦有致的叉燒，香口又不會硬。一隻溏心蛋，唔少芽菜菜蔬，有幾分像減量版的二郎系拉麵。整體感覺尚好，有少少要挑剔既係隻蛋太熟，同埋竟然不是用上我喜歡的幼麵，可惜！

老爸的豚骨拉麵，正是大路的博多拉麵款式，湯底濃郁，幼身麵條彈牙，然而兩片叉燒未算最出色。

老媽子的醬油拉麵，據說都幾好味，但我就沒有嚐過。

再要了碟餃子，個子細細，底部煎得香口，我這日式餃子控是抗拒不了的。

幸好早一步入座，眼見人龍開始多，而且近乎全是日本人，反而好少遊客光顧，看來當地人及遊客的口味，是頗兩極的。

食完拉麵，再係附近買點小食、生果，大滿足！

餐廳資料:
名島亭
福岡県福岡市博多区博多駅中央街１−１ JR
博多シティ 博多デイトス 2F 博多めん街道