食物：$$$1/2
環境：$$$$
服務：$$$1/2
星期六，最佳既節目莫過於係去嘆個Weekend
Brunch。
諗起好耐無食過葡國菜，臨時臨急，睇下邊度有位就訂邊度，好彩最終都食到間好既。
呢度個Brunch又係超豐富，單係
for
sharing既頭盤已經有六款。鬆脆既多士之上，放著大堆頭既麵包蟹蟹肉，再以少少粟米粒等作點綴，鮮味十足，口感也好。
沙律以紅菜頭作基調，配以番茄、法國芝士等，個人覺得幾清新好食，或者係我本身鍾意食紅菜頭吧！
帶子輕輕煎香表層，內裡保持鮮嫩，連埋底下的柑桔紅椒等打造而成的沙律來吃，更清爽醒胃。
蒜油八爪魚，呢堤經典小食，一上枱已經好有生氣好吸引。八爪魚柔軟，唔會話好似趙擦字膠咁，連埋惹味的蒜片，同埋薯仔片一齊放入口，唔錯。之後係更加經典的馬介休球，外脆內柔軟，沾些少混入左蒜茸既Mayo，好食，不過要小心燙口。
最後的小吃，係豬臉頰。呢個部位，仲要係慢煮既做法，入口自然鬆化，結合Port酒和西班牙青醬煮成既汁醬，味道濃郁。
食完六款頭盤，已經飽左一大截，不過主菜有我鍾意既乳豬，我又可以大啖吃幾口。唔使多講都肯定係皮脆肉嫩帶咸香，相比起大大的一舊，我會更喜歡較薄身的那一件，我覺得嗰個皮與肉既比例，才是完美。焗鴨肉飯，有煙肉和烤香腸鋪面，飯也焗得乾身，可惜主角既鴨肉無乜味道，就令整個焗鴨肉飯變得失色。
兩款甜品，有人喜歡燉得軟腍又入味的紅酒煮梨，我就偏好以菠蘿為主角，包裹細小海綿蛋糕及雲尼拿雪糕的Pineapple
Raviolis。
餐後整多杯香濃既咖啡，飽足到晚飯都唔使再食...
我仲記得一齊食過葡式乳豬🥰🥰，原來已經係6年多前嘅事⋯⋯
回覆刪除你臨走個日~
刪除呢間八爪魚我至喜歡。
回覆刪除