墨麒麟 - 朝啡夕酒

飲品：$$$$1/2
環境：$$$$
服務：$$$$

每次在九如坊一帶食完飯，都會被呢間門口寫到龍飛鳳舞的『墨麒麟』三個字吸引住，到底呢間係乜東東?

上公開飲食網站，又搵唔到呢間店子的資料，唔通店名並不是墨麒麟?

後來同朋友傾開，才知道店名的而且確係叫墨麒麟，仲要係好值得一試的咖啡店。

終於有機會來到，店內除左有咖啡機，還放滿了酒瓶，奉行朝啡夕酒呢個生活態度，我個人又幾Buy架喎!

呢度唔會好似其他 Cafe咁，有勁多嘢食選擇，全店只得一款食物，就是Bagel，而且只得好小量，食唔食到就睇你運氣了。

朋友既Cold Brew清爽易入口，帶點點巧克力的味道，炎炎夏日來一瓶，合適不過。

靜靜地坐著呷一口.... 問君能有幾多愁，飲杯冷萃皆抹走。真的嗎?

我杯Flat White好高水準，即使影相影好耐，也沒有起泡走樣，喝起來香濃順喉舒暢，沒有惱人的酸味，已忘了多少年沒喝過如此高質的咖啡。

據說會有不同的咖啡師輪流當值，用的咖啡豆亦因而不同，風味自然也會有變化。

下次我來，會否碰上另一位咖啡師? 風味又會唔會好似呢杯咁合我心呢?

以後經過，那管是日或夜，我想我都會進來飲杯啡，或者酒～ 

店舖資料:
墨麒麟
中環鴨巴甸街8號地舖