Ikigai Concepts - 世界末日到了麼?

食物：$$$1/2
環境：$$$$
服務：$$$1/2 

回到還可以三人行時~

限聚令再收緊，在死線前一天，與兩位舊同事來食個午餐，之後唔知幾時先可以再聚。

Ikigai Concepts佔地過萬呎，近門口位置放了棵桃花，卻完全沒有囍慶之感，今時今日仲邊有人有心情過節呀~

餐廳有自助清酒機，大家登記左，就可以按自己的喜歡揀選清酒，每杯30毫升。淺嚐過後，若真的岩口味既話，才一瓶一瓶的消費吧！

販賣機的清酒都不是最大路的款式，譬如說十四代，你就不會在這裡找到。

不論你吃刺身、壽司、海鮮，抑或肉類，中午都會跟上沙律、味噌湯，與及茶碗蒸。當中沙律偏酸，醋可以唔使放得太兇狠。蒸蛋足料，也夠熱。

碳燒牛舌飯，係小片薄薄的牛脷，還幸口感彈牙，帶有點點碳香，不過不失。

今日唔知聽日事，同事本著有得食便盡情食的心態，點來刺身丼。每樣試了些少，用料大致新鮮，不過同事反映，米飯混入了太多的紫菜絲及漬蘿蔔絲等，『味道』太重，奪去了海鮮的風頭。

加十五蚊可配咖啡，不妨來一杯，醒醒神。

看見枱頭招福的擺設，大家苦笑說虎年都未曾有好日子過，好似末日咁。

世界末日到了麼，問我終結會如何......

只願大家平安。

餐廳資料:
Ikigai Concepts
荃灣大河道98號如心廣場二期2樓211號舖
26182812