食物：$$$$
環境：$$$$
服務：$$$$
香港Cafe何其多，貪新鮮既我喜歡試完一間又一間，絕少會翻兜，官塘的Coffee
or Tea，是極少數我會一再回頭的。
然而說它是Cafe又不太準確，因為這兒供應的食物有別於一般的咖啡室，例如有蔥花蛋多士、懷舊米通粉等，其中的麻婆豆腐飯，更是我再三光顧的理由。
地方不大的店子，裝飾細節卻很花心思，如辟出一個角落放滿昔日裕民坊寫照的名信片。以一道拉閘來間出小小的私人空間，又是另一特色。
幾個人去，可以試多些東西。麻婆豆腐飯依然光芒四射，花椒粉香氣令人迷倒。天氣清涼，又點了Cafe新出的煲仔飯。
腊腸潤腸煲仔飯，不是什麼特別嘢，但加入了法國烏魚子，中西合『迫』出來的香氣，又確是討喜。當然，雙腸並不限於中式的，店家另一款出品，西班牙莎樂美腸，與及台式香腸也可組合成為香噴噴的煲仔飯，當中莎樂美的咸香，配合帶焦脆的飯底，是亮點。
窩蛋牛肉飯是最『傳統』的煲仔飯了吧，但這也不是坊間像肉餅的做法，而是挑去筋，再絞碎調味，吃起來粒粒嫩滑的牛肉粒，結合蛋汁，好味道。還不特止，廚子再放入的冬菜、芫茜等，令成件事更上一層樓。
大家最有興趣的，係法式的油封鴨髀煲仔飯。鴨髀肉的咸香從來吸引，那肉質又比預期中更細嫩，估佢唔到咁好食。師傅加入的日本梅子，及蘇梅醬，有效地產生解膩之用，是花過心思的安排。
吃過咸點，之後就係甜品環節。看見鄰桌的忌廉賓，有人大呼要試。起初以為是普通的忌廉賓，原來又有驚喜，是以Mascarpone
Cheese代替鮮牛油，還有加入黎麥去豐富層次，是升級版的屁廉賓。
開心果牛油吐司上次已嚐過，今云要『安哥』，依然地邪惡美味，黃金吐司亦然。
叫得Coffee
or Tea ，除左咖啡，這裡自然還有茶飲，同樣很具特色。
經過官塘，我是會再來的。
以前補完習，每日都會買個忌廉賓黎“lam”架，無錯，係“lam”而唔係食，哈哈！
回覆刪除兒時回憶
刪除