2021年11月19日 星期五

Savvy - 矚目登場



食物:$$$1/2
環境:$$$$
服務:$$$$ 

來到年尾,新餐廳如雨後春筍般湧現,當中許多都很吸引的,包括這裡。

位處太子酒店三樓的Savvy,變身後真的好華麗,集Bar、Lounge及餐廳於一身,型格有個性,與以前的格局截然不同。

晚上來到,可以喝酒食好西,中午吧枱位會化身成麵吧,來這個咁Chic既地方食碗麵作午餐,人都醒神啲。

夜晚就係半自助,頭盤保留了昔日美味的泰式沙律,凍海鮮呢啲基本嘢肯定不缺,還有各式沙律、印度系的羊餡餅、星洲代表的海蝦腐皮卷等等,絕不欺場。

接著是每人一份的冬蔭公湯。濃濃的冬蔭放入虹吸咖啡壺內,頂層擺滿冬蔭公的香料。師傅以火槍加熱湯頭,讓湯跑上去吸收香料之精華,玩味十足,也有實際之傑作。

冬蔭公湯酸辣俱備,味型好正宗,加上肉爽味鮮的大頭蝦,賣相更誘人,讓舌尖游走泰國一趟。

再來的印度代表,自會有一系列的咖喱。中心的咖喱角漲卜卜,睇見都想食。咖喱蝦、咖喱什菜、香草烤雞等,伴上Naan Bread,惹味可口。

主食可選西式、東南亞風情,甚或是中菜,迎合不同口味既大家。朋友食既印尼炸雞配黃薑飯,配上蝦片、魚乾、花生等,賣相正宗。據聞炸雞香口不油膩,水準幾高,我也偷偷的搣左少少蝦片來吃,地道。

平時我或會揀食和牛,是日忽然對中式的鮑魚炒飯感興趣。炒飯配上旁邊的炸瑤柱絲,層次更豐富。鮑魚腍身入味,是好東西。

是半自助,但甜品不需自已走出去攞,而係有部甜品車等緊我哋。餅廚逐件蛋糕介紹,款款吸引,選擇困難症想唔發作都難。

坦白講,件件都好睇又好食,個人最喜歡係檸檬造型的款,伴上熱情果的清新氣息,酸香可口,有助解膩。

其餘的朱古力芒果蛋糕、伯爵茶黑加倫子蛋糕、藍莓芝士、蒙布朗等都好出色,好在人多,可以試齊多款口味。

飽到一個點,餐後一壺伯爵茶來消消滯,是有必要的。

要再約朋友來飲杯嘢~


餐廳資料:
Savvy
尖沙咀海港城港威商場3樓GW 3209A
21136188

5 則留言: