2021年9月27日 星期一

新店速遞:越食 - 搬大舖



食物:$$$
環境:$$$$
服務:$$$$ 

長沙灣地膽偉哥報料,越食已由細舖搬大舖,水準依舊出色。偉哥既口味絕對信得過,搞到我心郁郁要去會一會佢。

反正假日無得飛,在中秋翌日假期,睡到安樂醒,再獨自去偽遊越南。

尚在試業階段,店舖紅紙仍未拆,但對於在長沙灣長大既筆者而言,又無理由會搵唔到既,查實就在甜記餃子隔幾個舖位而已。

食物選擇唔算多,爐頭師傅又剛巧放假,只能吃越南粉,以及小食,但我一條友就無乜所謂了。

來碗牛丸湯粉,在河粉、檬粉及金邊粉之中,挑了後者。

不一會,牛丸粉送上。碗內已放入了香葉,自行加些紅椒粒,灑上青檸汁,可以起動。

按習慣先呷口湯,走清鮮的路線,牛丸彈牙,肉味香濃,與腍甜的蘿蔔,譜成了出色的越南金邊粉,讓我止一止癮。

小食來來去去都係春卷米紙卷,今次就轉下口味,吃扎肉。有別於坊間鬆泡泡的扎肉,這件東西質感結實,還混入了燒豬耳來豐富口感,好有當地既風味。

即使是食晏晝,有點甜才夠圓滿。椰汁斑蘭千層糕,入口熱暖,帶椰汁香甜,若斑蘭氣息再強化一點,就perfect池~

滴漏咖啡無得跟餐,索性要杯桂圓茶。喝下去清潤,不過甜,更有唔少龍蝦肉在內,好過飲汽水。

試業中,店員好主動詢問客人既意見,看來是有心做的小店。


餐廳資料:
越食
長沙灣昌華街23號富華廣場地下16號舖

4 則留言: