生命有限工司 - 生命這好傢伙

食物：$$$1/2
環境：$$$$
服務：$$$$ 

『生命。有限。工司』雖不是過江猛龍，但其出品，令筆者不其然地想起南韓名店Isaac Toast。

曾經路過銅鑼灣的總店，可是當時要出席飯聚，所以與它緣慳一面。

近排佢係荃灣海之戀商場開設分店，趁未有太多人留意，收工獨個兒來醫肚。

在門口購票後，自行找個位置坐下，店員會送餐過來。

用的只是丹尼麵包，不過烘得微脆，原隻鬆脆的軟殼蟹，嫩滑之炒蛋，與及些少蟹籽作點綴，倒是不俗。重點是放入一小粒泰國柑桔，自行灑些柑桔汁進去，成件事頓事變得清新。硬要挑剔的話，就是軟殼蟹未夠多羔。

點的是套餐，有兩隻雞鎚，同埋飲品。雞鎚個子很的骰，但炸得香脆而肉質嫩滑，又唔錯喎！

可樂唔使加錢，其他特飲閒閒地加十幾廿蚊，要罐可樂便算了。

睇怕大家今年都唔使旨意踏入韓國半步，懷念的話，吃件韓式吐司頂下癮吧~

餐廳資料:
生命有限工司
荃灣大河道100號海之戀商場1樓1005號舖