滿福樓 - 仍喜歡

食物：$$$$
環境：$$$$
服務：$$$$

繼續填紙仔，繼續四人一枱，所以母親節飯沒有與阿妹一家同吃，而是各自各約老媽子食。

當然，我們都不是會吃正日的人，最鬼憎同人迫。

滿福樓是老媽子揀的，筆者沒有異議，其實我都很喜歡這地方，食物水準不俗，落地玻璃加高樓底，如果出面唔係永遠未能完工的地盤，會更好。

週末的中午已分兩輪，頭輪十一點半開始，第二個時段係一點後。原本想訂一點正，可惜爆滿，頭段都照殺吧！

點心小炒也點上，還有這兒必吃的叉燒，要半份。肉質鬆化，少許燶邊，又帶脂香，同時不失蜜味，是大眾也喜愛的口味。個人仲好中意呢度既『天外飛仙』餐具，有夠經典。

蝦餃是看得出的足料，敗筆在於澄麵皮之上，超級黏筷子，搞到甩皮甩骨，好狼狽。

這裡的鮑魚雞粒酥，跟龍景軒的有所不同，鮑魚是沒有切片，還好本身已扣得很軟腍入味。撻皮保持鬆脆，雞粒吸收了汁醬亦好吃，因此我對呢度既出品，仍滿意。

蝦多士吃得多，但加入了蟹肉的就只有在這裡嚐過。多士毫無疑問是鬆脆，蝦膠彈牙，不過即使多了蟹肉成份，我亦唔覺得有多大驚喜，反而坊間的蝦多士仲合我心。

帶子蟹肉炒粉絲，足料之作，火侯控制亦恰到好處，帶子大隻而鮮嫩，粉絲炒得爽身不油膩，夾著芽菜、雞蛋等，總好過吃炒飯炒河。

甜品的紅豆沙反而有點失準，欠缺陳皮香氣，所以我較欣類其蛋撻仔，鬆脆有蛋香，最重要是溫度足。

搵次，真的要過對面松菱吃鐵板燒~

餐廳資料:
滿福樓
灣仔港灣道1號香港萬麗海景酒店3樓
28028888
25846972