城八 - 見城之延續

食物：$$$1/2
環境：$$$1/2
服務：$$$1/2 

香港人真係唔困得架~

週五晚上，整條棉登徑的食肆都要排到天荒地老，我們即使預訂了其中的餐廳，仍然是等超過半小時也未能入座。朋友火滾，決定轉場。

逐間走入去問，吃了無數次白果，去到最後一間，城八 (前身是見城)，終於有位，真好彩！

刺身、壽司、燒物、天婦羅、揚物以至丼飯，樣樣都想食，拿著餐牌翻來覆去，選擇困難症又再發作。

按店員推介，要了赤鯥刺身，此魚油脂豐富，師傅再將魚皮火炙過，吃起來油潤之餘，亦多一份香氣，果然無介紹錯。另一款係朋友想吃的 – 赤貝，質感爽脆，又不會韌得像趙擦字膠，更沒半點腥，也好。

刺身用料新鮮，壽司的水準又如何? 來個壽司盛合即一目了然。白身魚、赤身、拖羅、鰻、三文魚籽、海膽及熟蝦等，想食邊件就夾邊件，大家老友鬼鬼無須客氣。三文魚籽的爆汁感覺當然好，海膽的鮮美最討我歡心，反而滿有期望的拖羅，油香卻沒有想像中豐盛。至於飯糰，是可以握得更好。

店員又建議我們吃燒帶子，即管來兩隻。蠻大粒的帶子塗上醬油來燒，火侯是控制得好，但就是偏重味的東西。吃此品要盡快吃，因為一旦紫菜放久了變腍了，會嚴重影響口感。

牛肉照燒又是另一款重口味的好西，帶脂香的邊位肯定更為美味，若然可以弄生一點更好，家陣熟左些少，還幸仍沒有太韌。

眼濶肚窄，以為唔夠食，結果十二成飽~

餐廳資料:
城八
尖沙咀棉登徑30號地下
23698307