Alley Coffee - 藍屋旁的一口咖啡

食物：$$$1/2
環境：$$$$
服務：$$$$ 

在附近工作完畢，看看手錶，差不多正午十二時，心想不如去藍屋旁邊那家高級船麵店，享受下泰國風情?

可是，店子還未夠鐘營業，門外條隊已經排了二、三十人，嚇到我馬上打退堂鼓，另覓地方開餐。

無意中發現巷子內有間Cafe，仍有吉位，便不作他選，推門進去。

對於真正的咖啡愛好者，浦咖啡店目的不是為打卡，而是可以悠然地呷口咖啡。

瞄一瞄餐牌，食物選擇唔算多，只有一款Pasta，本週竟然是冬蔭公青口意粉，係天意呀！

意粉口感還好，酸酸辣辣也真的滿有泰式風味，建議自行擰些少青檸汁進去，多一份清新感覺，更好吃。除左青口之外，清甜既車厘茄，爽身的雜菇都有助加分，反而主角之一的青口，卻無甚特別。

是日胃口唔錯，在餅櫃挑件蛋糕作甜點也好。想吃Burnt Cheesecake，不過係綠茶口味，個人麻麻，最終要了件Rare Cheese Cake。

偏白的色水夠正宗，細滑而味道濃厚，還有Oreo脆餅底，太合我心水，幾乎想『安哥』一件。

Flat White水準也好，拉花款式雖比較平凡，不過入口順滑，有咖啡豆既風味，卻不失奶香。近期在各區的咖啡室連番中伏，今之總算找到了美好的咖啡時光。

聽見幾位咖啡師在交流沖調既技巧和心得，我心裡覺得，下次再來既話，杯咖啡會更進一步的。

唔知會唔會諗多左...

餐廳資料:
Alley Coffee
灣仔景星街1號地下A號舖
69393284