新店速遞：Starry House - 星空奇遇海之戀

食物：$$$

環境：$$$$

服務：$$$$

不用上班的日子，忽然收到老豆電話，問一唔一齊食Lunch～

Why Not?!

原本打算去如心二期間吉列豬扒專門店，可是卻被長長的人龍嚇窒，唯有放棄，轉戰另一新商場海之戀。

從天橋走過去，確實是幾方便，荃灣早已是『堅離地』的區域。

        

午市套餐有跟湯或沙律，各一吧，些牙食便可。是日餐湯係蕃茄湯，味道濃郁，問題在於溫度，只是暖暖的。

沙律可選雞肉凱撒，或者鴨胸沙律，我要後者。鴨胸至少唔韌，沙律菜新鮮，但黑醋下得太兇，好酸呢！

老豆既主食係燒鯖魚，有兩件，我分了一件細的吃。魚肉算是嫩，只嫌魚皮燒得未夠香脆，但至少吃起來沒腥味，可收貨。

我揀的燒豬筋骨，很厚身的。既不是硬得咬崩牙，亦唔係像煲湯骨的惱人質感，肉質保持鬆化，個人認為燒烤汁可以多放一點。坦白說，呢個出品已合格有餘，只是我一直懷念著高峰期的Tony Roma。

加廿蚊可配甜品，問過侍者原來是抹茶慕絲蛋糕，我興趣不大，不過老豆卻想試試，來一客吧。頗大的份量，是抵食的。我只試少少即可，平平無奇的味道，起碼有脆餅底，還有生果伴碟，算有誠意的了。

結尾的一杯熱咖啡，也比預期中香濃好喝。

海之戀和如心二期的食肆陸續開業，而且不失特色美饌，我可方便多了。

餐廳資料:
Starry House
荃灣大河道100號海之戀3樓3094號舖
21229939