哲麵 - 半分錢，半分貨

食物：$$1/2

環境：$$$$

服務：$$$$

沒有心情四出吃喝，收工係屋企附近吃點東西，快趣回家。

距我家不遠的南豐紗廠，食肆很多，但九成九不做晚市，呢間哲麵例外。

       

最便宜的極上豚骨拉麵套餐，已包拉麵、沙律、一件唐揚炸雞及炸芝士，和甜品，才六十二個大洋，的確經濟實惠。

拉麵份量比較細，對我而言不是重點，我從來重質不重量。然而，呷口湯，即使已選了最濃味的，仍是很淡口。麵條又係，要最硬，卻也是腍，不是我喜歡的口感。兩片迷你版叉燒，有點韌。最好的，係隻蛋，起碼是流心。

沙律菜同樣麻麻，碎濕濕，唯一優點是沙律醬唧得幾靚仔。

一口炸芝士，芝味有欠濃郁，還幸仲夠熱。炸雞件同我既銀包一樣，乾硬化程度屬偏高至甚高。跟餐的甜品，係一粒了無生氣的泡芙。

懶醒加了份煎餃子，結果又中伏。腍腍的，餡又少，我棄權了。

邊食邊睇Fb，見有朋友寫過呢間拉麵店，經驗與我相約，早幾分鐘見到佢個post我就唔入嚟啦～

餐廳資料:
哲麵
荃灣白田壩街45號南豐紗廠1樓110號舖
31696688