麻甩佬狗仔粉 - 麻甩佬的回憶

食物：$$$1/2

環境：$$$1/2

服務：$$$1/2

蘇屋村的重建已八八九九，囍乜囍物亦相繼入伙，長沙灣早已不再是舊區，新餐廳多到我也吃不完。

重臨舊地，食埋嘢才打道回府是常識吧！發現母校對面有間新開的店子，賣的卻是懷舊狗仔粉，名字仲要叫麻甩佬，岩晒我，我好有興趣。

七點幾鐘，只見小貓三幾隻，附近的餐廳遭遇差不多，似乎沒有受惠於新樓的落成。

雖然客人不多，但我又唔覺有很大的伏味，唔知我既直覺準唔準確呢？

   

當然要碗狗仔粉，細的便可以了。配料如冬菇、蝦米，以及最重要的豬油渣應有盡有。先呷口湯，沒什麼投訴，至少不是味精掛帥的湯底。

這兒的豬油渣，是真正炸過的，口感鬆化帶脆，是焦點之一。吃粉仔的另一個重點，正是辣菜甫了，實在會令粉仔惹味百倍。雖則店家也放有一瓶不辣的在桌上，不過根本無可能取締辣菜甫的精髓，完全無可能。

另外點了煎釀四寶，分別係炸雲吞、釀茄子、釀豆腐，以及釀青椒。現時真的難吃到像樣的煎釀三寶，夠熱已經很感恩。在這個年頭，真吃過不知多少次放到凍冰冰的三寶。至於這裡的，總算熱度足，可惜茄子有點韌，豆腐有些硬，只有雲吞是炸得鬆脆，同埋係以前那種細細粒餡料的。

在充滿回憶的長沙灣區，吃著本土懷舊小食，心情是愉快的。

餐廳資料:
麻甩佬狗仔粉
長沙灣福榮街500號喜漾商場地下4號鋪
28041777