湘蜀人家 - 新辣店

食物：$$$1/2

環境：$$$1/2

服務：$$$1/2

每月辣局，曾經有段時間大家找地方成為一大難提，皆因我們好像已吃勻全港較好的湘川菜館。近期，情況稍為改善，灣仔銅鑼灣一口氣開了幾家新的川菜/麻辣火鍋，各位可以慢慢試。

上月嚐的卧龍正宗成都麻辣火鍋，食物強差人意，「味碗」尤其不濟，搞鬼圍裙成了全場唯一賣點，希望今局不是這樣。

「不如試呢間湘蜀人家丫，網上評語唔錯！」Oli話。

雖則家陣網上風評唔代表咩，但各位都願意一試，有福同享，有難同當。

 　　

看見有個六至八人餐，菜色幾吸引，那不作他選，唔夠先再叫。

川北涼粉幼滑不易斷，夠香夠辣，清新開胃之作。口水雞賣相有點不修邊幅，但味道尚好。肴肉大概不是湖南或四川菜吧，夫妻肺片因唔夠分，我放棄了。

另加了一份涼菜，蒜泥白肉，咁重口味既嘢梗係我點的。豬肉薄薄的，辣度足亦充滿蒜香，只是肉質始終是較嚡。

辣子雞丁炸得乾身香脆，色澤金黃，辣勁頑強，是合格之上分數的出品。

吃川菜少不了水煮魚，用上的是桂花魚，紅湯上雖鋪滿辣椒，香氣卻未見突出。各位最關注的苕粉份量很少，後來要追加一份，才能滿足大家。

也有一味不辣的，砂窩大雜薈，魚丸、火腿、玉子及各類蔬菜，有點兒似上海菜，濕濕地都算幾好。

很久沒吃窩窩頭了，見到有就即叫。包身尚鬆軟，自行塞入梅菜及肉末等餡料，過足癮。

車媽媽點的西洋菜餃，餡料味道幾好，敗在餃子皮，實在很韌。

單尾的泡椒牛柳絲炒麵，泡椒個性沒顯露出來，當是普通的牛柳絲炒麵還可，但個人更喜歡湘蜀炒飯。

餐牌的甜品是酒釀丸子，起碼清新有酒香。另加了高力豆沙，軟熟夠熱，收貨。

說不上很精彩，但旨在高高興興吃餐辣，質素至少比上月的一局好罷。

餐廳資料:

湘蜀人家

灣仔莊士敦道181號大有廣場2樓218號舖

23809688