海外篇：Bitterman - 集溫室與工業風於一身

食物：$$$1/2

環境：$$$$

服務：$$$1/2

近年習慣，去到邊也找家特色的咖啡店，今次曼谷之行亦不例外，事前做了些功課，鎖定來試呢間影相呃Like一流的網紅店，Bitterman。若你不是為食友，又不是龍友，相信很難會明白點解我要專程來到這個咁唔就腳既地方。

集溫室與工業風於一身的Bitterman，靠近玻璃位置當場最剎食，光線透過玻璃射進來一定好舒服，可惜是日天公不造美。

     

唔緊要，裡頭工業風的設計，其實亦很有個性，既有酒吧區讓人輕鬆喝番杯，樓上更有張Pool枱，手痕可以打番兩Cue。

點了三款咸食，大家分享，之後才再諗吃什麼甜品吧！先是和牛肉眼洋蔥炒飯，米飯炒至乾身香口，配軟腍帶微甜的洋蔥很恰當，可惜主角既和牛太韌，扣減了分數。

其次是蝦蓉虎蝦炒飯，飯同樣地炒得不錯，爽口之餘，還有少許辣勁，來得更惹味，合心。虎蝦個子自當不少，啖啖肉夠爽口，美中不足是蝦頭的蝦羔欠奉。

還有海鮮偏意粉，麵條保持咬口，不過各式海鮮如青口、魷魚、蝦等稱不上很鮮甜很出色，整體而言，不過不失而已。

甜品的朱古力松露三重奏，朱古力蛋糕同樣來得濃郁，更有雪糕相伴真係爽，可惜配角的草莓好酸。

趁雨停了，把握機會離開～

餐廳資料:

Bitterman

Silom Soi 1（ Sala Daeng）, Bangkok, Thailand

(66) 2 636 3256