SKYE - 客席名廚表演時間！

食物：$$$$

環境：$$$$

服務：$$$$

柏寧酒店大裝修過後，由以前老老土土，搖身一變成為今天型格到痺的潮人酒店，是非常成功的轉變。

酒店自助餐Playt我試過，年輕化又帶點玩味，食物亦唔錯，尤其多款自家制雪糕太討我歡心。

這次，更上多層樓，與朋友去到27樓既Skye，來一頓型格午餐。

    

由從前的Riva到現在的Skye，維港美景猶在，餐廳環境比昔日顯得更具個性，是個茅得輸的地方。

這幾天，是Celebrity Chef Gary Rhodes的表演時間，無心插柳下能試到名廚的精彩菜色，食神認真眷顧我。

點好餐後，店員問我們要唔要飲少少酒，既然咁高興，即管來一瓶rosé。大家奸悲！

Amuse bouche是白蕃茄湯，孤陋寡聞既筆者也是首次品嚐，酸中滲出甜味，比一般的大紅蕃茄湯，美妙得多。

麵包籃內的三款麵包，塗上大大舊牛油，好味道，還好我自制能力唔差，否則以我既食力，吞下三個麵包後，可以收工。

頭盤與主菜均是四選一，我們四人行，剛好可以「掃餐牌」。頭盤份量並不少，先說紅鯔魚柳，皮脆肉嫩，底下的意大利飯混入了檸檬汁，也來得開胃。

另一款是小小的意大利粉，配料是蝦與雞肉，頂頭打上泡沫，又是一道精緻的頭盤。

賓尼特蛋在港從來受大眾歡迎，切開流心效果謀殺過唔少菲林，可口的荷蘭汁配合菇菌及雅枝竹，是英意的結晶體，美味。

講到漂亮，首推這個鵝肝，入口細膩的出品，結合食用花、紅菜頭片及紅嗓子等，好吃之餘，更甚具春天的詩意。

主菜亦有魚，係海鱸魚，魚皮煎得更香脆，肉嫩也是預期之中，底下的配菜絕不馬虎，切粒粒的露筍、蝦乾等，擺盤是花過心思的。

烤羊腰肉的火侯控制得好，嫩紅的色彩可以作為証明，肉質鬆化，帶微微的羶香，配以簡單的薯仔及小蘿蔔，經廚子的演繹，已顯得吸引非常。

主菜仲有最靚既豬腩肉，肥瘦有致既出品，深得食肉獸既歡心，面頭更是以豬皮炸香碎，層次更豐富。旁邊兩顆意式雲吞，皮滑而內裡是龍蝦肉，矜貴又可口。

最後一款主菜，係重口味的Macaroni Cheese，濃郁之餘，更滲出幽幽的菌香和松露香，合心。

甜品三款一，四人行可吃勻有餘。其中之蛋白餅，廷身而細滑，淋點點雲尼拿Custard，更添美味。大黃雪葩的微酸，跟蛋白餅也是天作之合。

Chiboust這款法式甜點，伴上菠蘿乾又是一番滋味，尤其喜歡其柔嫩涼快的質感，唯一要挑剔是餅底有丁點黏牙。

第三款是非法傳統的麵包布丁，跟在英國吃到的，十分相似。能重溫這個味道，真好！

萬料不到，Petit fours竟是英式鬆餅。體型較正常的鬆餅少一點，但味道質感很好，大大力塗上Clotted Cream和士多啤梨果占，忽然有著歎高貴下午茶的感覺。

如斯寫意的午餐，又怎可以缺少一杯拿鐵呢！

Chef Gary Rhodes員逗留至本月29日，想食呢個咁精彩的餐單，要快手了。

餐廳資料:

SKYE

銅鑼灣告士打道310號柏寧酒店27樓

28393327