Forte - 順便吃餐豐富的

食物：$$$1/2

環境：$$$$

服務：$$$$

相約朋友交收月餅，順便一齊食個飯，預慶中秋，為食鬼要食嘢既藉口真係特別多。

話時話，酒店自助餐食得多，但晚上做Semi-Buffet的好似沒幾多間，這裡是其中之一。

型格環境是這兒的最大賣點，來過咁多次，我感覺仍然未變。

    

有時，我癲起上嚟會由甜品開始食起，不過今次就正常番，先攻凍海鮮。蝦、青口、翡翠螺等全都試勻，但最好的大概是蟹腳，吃了兩隻。

即開生蠔，美國產地，每人每次只限取四隻，不過我只淺嚐了兩隻而已。生蠔很鮮甜，好像比以前更有進步。

雖已是九月尾，天氣仍實在太熱，所以好想食啲醒胃嘢，喜見日式冷蕎麥麵。重點是清爽的冷麵汁，配簡單的蟹柳、玉子等，已很開胃很舒暢。其餘的清新小吃如溫泉蛋、凍豆腐等，在這天時吃也真太合適。

煙三文魚、沙律，以及各式Cold Cut ,淺嚐一下也無妨，始終要留力與主菜搏鬥呢！

間中會響起叮叮噹噹的聲音，是堂弄表演時間，前後分別有火焰醉蝦、火焰青口，卡邦尼意粉等，但要盡快出去排除，因供應有限，手快有手慢無。

策略都係咁，大家點選不同既主菜，開心些牙。半隻天多利燒雞，看色澤是最吸引，肉嫩而雞皮帶脆，滲出複雜的香料味，伴上正宗的希臘乳酪，頗有印度風味。

香烤豬鞍架，十分之厚身，但不會過火，肉質仍舊保持嫩口。相比之下，我的芝士焗豬柳，肉質反而更韌。濃濃的芝士來焗豬，盛為重口味之作，不是人人能以接受，但求芝慾強的朋友定必喜歡。

在吃主菜期間，大家已談及放在外頭的甜品，其中集楊枝甘露與水信玄餅於一體的出品，最吸引大家，的確這清爽配搭，是幾清新可口，至少我是十分喜歡。

還有各式蛋糕如黑森林、提拉米蘇與朱古力蛋糕，反而朱古力蛋糕較散，味也可以更濃。

點解我會唔記得飲咖啡呢？失左憶～

餐廳資料:

Forte

觀塘創業街38號如心艾朗酒店2樓

39688222