海魂燒 - 小聚

食物：$$$

環境：$$$

服務：$$$1/2

朋友們大概知我喜歡吃香口嘢，是次聚會刻意選來天后這家新店海魂燒，本人樂意奉陪到底。

早己知道是小店一間，大家老友鬼鬼，坐得迫些少唔成問題(這是我的想法，唔知兩位高貴既OL係咪咁諗)，哈哈！

汽水啤酒特飲準備就緒，我的肚子也準備好，其實已在打鼓啦～

    

先是帶子與海膽的組合，帶子兩邊經輕燒過，起雙飛，中芯釀入了海膽，以紫菜包著食，係羨煞旁人的頭盤。

燒蟶子火侯控制得可以，大大隻但沒有過韌，肉爽又有豉蒜的惹味，有點想「安哥」一隻，但還是留力往後的東西吧！

另一款燒海鮮，就是燒帆立貝，同樣地唔怕燒過火，肉質保持嫩口，面頭加點魚籽及椒絲，多份風味。

兩款海鮮合格，燒豬筋骨也不俗，至少肉質唔會嚡口，用手拿起咬才夠豪邁。各位辣魔，可考慮醺上辣準，來得惹味百倍。

時至今日，韓風仍然未退，餐廳仍有些韓韓地的菜色，包括呢味泡菜燒豬頸肉。豬頸肉燒得香口，肉質有口感卻不會韌，連同酸甜俱備的泡菜放入口，是絕不失禮的韓風美食。

既然韓食唔錯，又來多客韓式的鍋飯試下。呢客和牛鍋飯，仲有溫泉蛋、松露醬及海膽坐鎮，聽起來好矜貴。其實，在我而言，海膽角色並不重要，松露醬也只是提點香氣，最緊要係有溫泉蛋，讓蛋汁滲進飯內。同埋，呢個牛肉都鬆化，味道帶點甜，甚有韓味。

再來的燒雲炸拼盤，內容有雞軟骨、單骨雞翼，以及鴨舌三款，可配檸檬、蛋黃醬與麻辣汁，個人認為，除了鴨舌必定要沾麻辣汁外(好味好多)，其餘兩者要唔要點汁醬，也不是大問題。

但有些菜色，仍然需要調校。

餐廳資料:

海魂燒

天后清風街17號舖

25700018