新店速遞：颱風點心 - 風繼續吹

食物：$$$

環境：$$$$

服務：$$$1/2

利園一期四樓向來只有1957＆Co.集團旗下兩間餐廳-安南與權八，兩家水準都不俗。然而，最近這層多了一股新勢力，是另一集團的點心專門店，颱風點心。

近期大家聽到颱風，可能都驚驚地，尤其是澳門既朋友，希望佢地盡快恢復元氣，我想過大海吃喝玩樂呀！

廢話講多了，即管相約在銅鑼灣返工既朋友仔，一齊歎個Lunch先~

開得喺利園的點心專門店，自然都要「鬼鬼地」，除裝氛比較新派以外，更加插了不少酒水，包括Cocktail，現在這做法似乎也成為新趨勢。

    

兩個人也吃不下太多，三籠點心加一份小食，經已足夠。如時間許可，才再試甜品。

露筍蝦餃王是招牌菜之一，外型有別於傳統的蝦餃，露筍會棟篤企突出來，你可以說是更矜貴，但我這老餅始終喜歡傳統的摺法。再者，餡料之蝦肉亦有欠爽口，未見十分出色。

朋友想食腸粉，我樂意奉陪，由佢話事選了叉燒腸。腸粉皮未算很薄，但至少隱約看到內裡的餡料，叉燒餡則是十分充足，可以接受既。

颱風流沙包，把店名也用上，是招牌中既招牌嗎？流沙包印上旋風圖案，貫徹主題。包身稱唔上軟熟，搣開是有流心效果，但不是勁湃澎那種。不過，味道仍濃郁可口的。

又點了一客小食，是煎釀三寶。釀豆腐、青椒及茄子原本我很喜歡，可是這汁醬太厚太杰，那我就麻麻。

傾傾下又成粒鐘，甜品都趕唔切叫，唔緊要啦！

餐廳資料:

颱風點心

銅鑼灣希慎道33號利園1期4樓401A號舖

35946308