頤之味 - 九號水產初體驗

食物：$$$

環境：$$$1/2

服務：$$$1/2

早前留意到傳媒介紹黃埔的九號水產，又話佔地幾萬呎，係全港最大既水產概念店，又有好多款漁鮮勁新鮮咁，總之講到好吸引。

朋友問我有冇興趣去見識下，那當然是有，搵個快活星期五吧，可以慢慢歎慢慢逛。

九號水產裡面有幾間食店，是晚就決定先去頤之味吃壽司與刺身，之後再逛超市滿足女士們的購物慾，一舉兩得。

   

品嚐壽司刺身之前，先吃沖繩溫泉蛋野菜沙律作準備，車厘茄清甜，沙律菜新鮮，可惜溫泉蛋有欠流心，火侯控制未夠精準。

熱身過後，師傅奉上一系列的刺身。韓國鮑魚切成薄片再放回殼上，口感是脆。還有平目、油甘、赤身，同埋最優質的拖羅刺身，始終吞拿魚是剛才即宰，感覺會較好。

以玻璃杯盛著之牡丹蝦刺身，鮮甜可口，是各式刺身中我最喜愛的。

西村壽司原本是招牌食品，但將之將十吋長的鰻魚壽司放埋一起，頓時被搶去了風頭。長長的鰻魚確實很吸睛，影相呃Likes一流。然而，個人認為醬汁稍為過濃。西村壽司即是蝦、帶子及海膽等組合，味鮮是理所當然。

本鮪丼與免治吞拿魚腩丼均是迷你版本，否則一定吃不下。兩者之中，個人較喜歡後者，始終魚茸來撈飯，會較適合。

有人要趕住去超市買帆立貝、白粟米，乜乜乜，Gogogo~

餐廳資料:

頤之味

紅磡德豐街8號黃埔新天地第九期地下九號水產22號舖

2759 5526