食物：$$$$
環境：$$$$
服務：$$$$
雖則在港島東工作，但來來去去只幫襯公司附近地間茶記，收工即閃，很少在東區搵食，始終對該區無甚好感。
難得相約舊同事在鰂魚涌搵食，即選一家我想去已久，卻從未到訪的餐廳，Frites。
是的，在中環、灣仔及銅鑼灣均有分店的著名比利士餐廳Frites，我無一間分店食過，終於一儐所願。
很喜歡這裡的環境，深啡色主調，高樓底，感覺高雅，又不失輕鬆氣氛，收工來飲兩杯，不知幾正。
但是晚就沒有喝啤酒，跟朋友一起飲Mocktail，一樣高興。
食物方面，招牌的忌廉青口，是不容錯過。隻隻青口鮮嫩而飽滿，加上可口的忌廉汁，還有蕃茄粒、洋蔥粒等，十分精彩。伴碟仲有薯條及脆麵包，正好用來對付剩下來的忌廉汁。
舊同事想食虎蝦三文魚意大利飯，我無所謂。意大利飯有別於一般吃到的，大概是混入了青檸汁，多一份酸咪咪的感覺。至於虎蝦的質素，當然無用置疑。
吃完以上兩樣，大致夠了，因為要留肚食甜品。望勻整個甜品餐牌，最吸引仍然是心太軟。
非常討好的賣相，切開流心程度理想，微脆的外殼，熱暖而濃郁的朱古力漿，配合一記雲尼拿雪糕，冷熱交融的效果，成功俘虜我的心。
一客濃濃的心太軟後，來杯Royal Breakfast消消滯，合適不過。
餐廳資料:
Frites Belgium on Tap
好想食心太軟!!!!
回覆刪除堅好食
刪除虎蝦賣相幾靚仔，但兩個人分好似唔太夠喉喎！;P
回覆刪除小食多滋味~
刪除青口好味道！
回覆刪除