海外篇：Kimberley Hotel - 平有平住

談過檳城的奢華酒店，又係時候回歸較平民化的選擇，同大家睇睇Kimberley Hotel吧~

大概只是三星的酒店，既沒游泳池，也不設健身室，餐廳只有一間，設備方面，當然不能與五星級酒店相提並論。

然而，酒店環境舒適，職員友善，而且在喬治市的中心，價錢亦便宜得教人難以想像，檳城的消費實在低得太吸引，如果可以賺香港既人工，去當地生活，咁就真係可以無憂。

　　

打開房門，一張足令我打幾個筋斗的雙人大床，已贏左一半，畢竟俾呢個價錢，我從來沒要求太多。

電視、書枱在今趟行程之內，成為其次，因我只想來好好的Hea幾天吃幾天，甚至手提電腦也沒有帶過去。話雖如此，Wifi卻是不可或缺的，這裡肯肯定也有提供，否則有人反檯都似。

我最關心的，浴室，只有花灑。當然，我是不敢在這類三星酒店Bath的，即使佢是有浴缸。那些梘液、洗頭水、謢髮素等，自然不是名牌子，甚至，風筒也是要問才有供應，這點應可改善一下。

整間房最煞食的地方，無疑就是那大露台，雖然不像Eastern & Oriental Hotel般坐擁無敵海景，但晨早起來做做早操，呼吸下新鮮空氣，悠悠然嘆杯咖啡，實是不錯，大概是香港難以找到有露台的酒店(有既，好貴囉)，因而特別嚮往。

如此便宜的收費，竟然每天也包早餐，雖則只有雞蛋、腸仔、多士、炒意粉、水果、咖啡茶等大路嘢，選擇稱不上豐富，但我已經覺得難以置信。我仲想講，酒店餐廳的環境，絕不輸蝕。

平到咁，不如農曆新年同家人來玩幾日囉？！

不過，我都係會揀番奢華的酒店……

酒店資料:
Kimberley Hotel
36, G-02, Jalan Sungai Ujong, George Town, 10100 George Town, Pulau Pinang