海外篇：大倉酒店 - 和味濃酒店的中餐

食物：$$$1/2

環境：$$$$

服務：$$$$

整理資料時，找回一些舊相片與紀錄，跟大家分享下。

話說早前過大海，下榻和風色彩甚濃的大倉酒店，順理成章在那邊吃過午餐，中式的，有點心與炒粉麵飯。

一直覺得，大倉的日本餐廳應該會很不錯，但食中式嘢，水準會否遜於澳門其他星級酒店的中菜廳呢？認真要拭目以待。

   

 

相機食先早已是大勢所趨，連筆者老媽子食好西前都會先拍照，現今廚子除了要著重食物味道外，還要兼顧造型。

以蝦餃為例，有些地方已弄成栩栩如生的金魚型態，呢度都將之變成可愛小白兔。肥嘟嚷的兔子當然討人歡心，蝦肉餡塞得滿滿好足料，食味是合格有餘。只是，我仍較欣賞最傳統，有蝦有豬肉餡，多摺的蝦餃。

飲茶要食燒味，尤其是叉燒，唔知幾時成為了定律。這次來份雙拼，叉燒配燒腩仔，前者鬆化蜜味足，仲有燶邊，精彩。燒腩仔是偏肥，不過皮夠脆，都無須投訴。

圓渾之鯪魚球，勝在入口熱燙，香口嘢唔會點衰。

常說出色既干炒牛河，河粉要炒至條條分明，唔可以疊埋一齊，均勻上色同夠入味，還不應太油。牛肉鬆化之餘，肉質不能假。呢度既出品，做到了以上大部份，只是鑊氣還是差一點。

飲完茶，不如去學茶道？

酒店資料:
澳門路氹城「澳門銀河™」綜合渡假城澳門大倉酒店