PLAYT - 脫胎換骨

食物：$$$1/2

環境：$$$$

服務：$$$

Park Lane Hotel , 於筆者而言，並不陌生。想當年，大老闆每月來香港，定必入住這酒店，我也經常要前去開會。

轉眼間，又是四、五年前的事……

酒店近期進行一系列革新工程，吃自助餐的Café One，來了個大變身，成為今天的PLAYT。

單看名字，已可知PLAYT是走年輕、有活力的路線，岩晒我呢類典型廢青。

     

喜歡這地方

出去兜個圈，食物確是十分吸引，尤其是甜品，色彩繽紛，外型精緻，還有自家制的特別口味雪糕，差點兒想由甜品先開始。

 

排大隊

一如所料，生蠔是最搶手的食品，這裡提供的，是紐西蘭與美國的貨色，即開，保証新鮮。

 

多款式

當然不會只得生蠔，還有其他的凍海鮮，包括萬人迷的龍蝦，同埋麵包蟹、蟹腳，以及翡翠螺等等。總覺得，龍蝦鉗，是比蝦身更為鮮甜可口。

 

流晒口水

原本想攞其他熱食，但見到份牛，實在太誘人，口水流晒落地下，忍唔住要俾仍打尖。另外，西班牙豬也烤得出色。

 

印度師傅助陣

看見有印度師傅助陣，對呢度既印度食品，信心大增，的確薄餅是做得軟熟美味，師傅還主動幫我配上雞肉和汁醬。Tandoori Chicken是我在英國讀書時的大愛美食，這也頗有風味。

 

邪惡

正義如我，面對住邪惡、入口溶化的鴨肝，誓要將之消滅。

 

麻麻

估唔到有薑醋食，拿了一點去，似乎未夠腍身。

 

湯盅都型過人

呢度既湯，就是那個湯盅亦「度身訂造」，好有心。清潤的湯水，對於經常外出食飯我筆者來說，很受用。

 

點都食番D

吃甜品前，點都要食番些少芝士，幾款硬芝士，同埋Brie，也合心。

 

吸引

各式各樣的蛋糕，賣相超級吸引，每款也想試。幸而，每件都是細細件，讓我可以嚐多幾款。最喜歡是Opera。

 

有特別口味

雪糕是自家制的，有六種口味，當中不乏特色既味道，譬如是鵝肝、火龍果，同埋茅台味道。個人最喜歡茅台味，推薦大家一試。

 

消滯

飽到傻左，咖啡也沒有喝，改要杯熱檸檬茶，消消滯。

餐廳資料:
PLAYT
銅鑼灣告士打道310號柏寧酒店1樓
28393311