如粵滬中菜廳 - 久違了

食物：$$$

環境：$$$1/2

服務：$$$

父親節正日，並不是父親節正餐，這是我家多年來的傳統。

當然，嗰日都會出街食飯既，不過隨隨便便，沒吃什麼特別嘢啫。

話時話，好耐無去過荃灣如心酒店飲茶，即興致電試下，父親節正日竟然有位，但要限兩小時交檯。

普通飲茶，都是吃點心為主，老媽子話事劃一些便是。

     

打頭陣

首先送上，是帶子鳳眼餃，外皮沒黏筷子，帶子下面有不少蝦肉，但味道是偏淡口。

 

飽滿

燒賣頗大粒企身，但頂頭的一撮蟹籽，跟剛才的鳳眼餃，來得有幾分相似。

 

有點黏牙

家鄉煎薄餅，卷起成一條條，跟預期的賣相不盡相同。糯米皮入口有少許黏牙勝在裡頭散發韭菜香，整體效果都可接受既。

 

錯晒

實不相瞞，筆者最中意食既點心，是雞扎。腐皮、滑雞、炸肚、火腿，產生化學作用，缺一不可。竟以西芹取代火腿，簡直是失敗之中既失敗，不可原諒。

 

清新

再來，試試廚房嘢。香橙焗魚塊，橙香算幾出幾清新，是合時的小食。

 

蠻好

沒點炒飯麵，來客鮮蝦荷葉飯。呢個出品，都算香，混入不少雞粒，口感清爽，合格有餘。

 

唔香

以簡單的蛋撻仔，同埋桂花糕作甜點，可惜蛋撻唔香又唔夠熱。

下星期，才是真正的大餐。

 

餐廳資料:
如粵滬中菜廳
荃灣楊屋道8號香港如心海景酒店暨會議中心7樓
2280 2923