皇之家大姊小籠包 - 頂得住嗎?

食物：$$$

環境：$$$

服務：$$$

筆者再次強調，我真係好中意食上海菜架！大家應會覺得我嘮叨。

在佐敦附近交收完東西，獨自找吃。通常要食自己既話，我未必會幫襯連鎖店，舊式/ 家庭式小店，會更討我歡心。

上網搜尋下，喜見有間滬式小店，皇之家，就在附近。再不是，行多幾步，好德來也可以。

天氣太熱，幾乎中暑，就近近地皇之家好了。

　　　 

包場

正午十二點到著，一個客都沒有，心感不妙，但既來之則安之，唔通掉轉身走人咩?!

 

排骨湯麵

好肚餓，二話不說，先來碗排骨湯麵。

 

腍腍的

份量唔少，麵條質感煙煙韌韌，沒有投訴。然而，排骨就完全唔掂，看色水還可，但一點不熱，吃起來腍腍的，仲要每件都未切得開晒，好乞人憎。

 

可點兩隻

小籠包可兩隻咁叫，這點不錯，當然，為番起每粒會貴些少，但不成問題。是老式的包法，雖則唔太靚仔，卻有湯汁，肉餡頗多，亦鬆化，合格的。

 

夠凍

午餐有豆漿送，凍熱都得，炎炎夏日梗係要杯凍的啦，豆香一般，勝在仍是冰凍。

坐左半個鐘，終於有一個客入來。

 

餐廳資料:
皇之家大姊小籠包
佐敦吳松街122號
2755 5090