食物：$$$$
環境：$$$$
服務：$$$$
新年新開始，2016將會是變幻莫測的一年，我也不知道會是成功與否，但這樣的人生，才夠過癮。我始終是個不甘平凡的人。
大計沒有，小計劃倒是有幾件，筆者不打算在此透露，或者到時真的成事，再跟大家分享。又或者到時失敗得無錢開飯，大家施捨一個幾毫，我會感激你們的。
做酒店/ 餐廳，跟做人一樣，無須天天有新花款，卻總要有些變化，才精彩。即使你所做的，只是酒店自助餐。
坊間仍有些酒店，食老本，主題一成不變，這不叫專一，係悶蛋。你叫我去幫襯? 真係多謝晒！
Cordis梗係唔同，連酒店名都轉埋，你話佢跨了幾大步！酒店吃自助餐的地方，The Place，也是不定期會換主題，帶給客人新鮮感。
 |
| 1月有新嘢啦! |
踏入1月1日，佢既主題就會變成「味遊法國」，以一系列的法式美饌，為新一年揭開序幕。
 |
| 法國為主題 |
筆者成世都咁好彩，可以率先品嚐這系列的出品。咁，好嘢梗係要同大家些牙，等大家有機會訂位食啦！
 |
| 唔使爭崩頭 |
由基本嘢開始，呢度既凍海鮮，如蟹腳、小龍蝦、龍蝦鉗、凍蝦，同埋青口，是長期供應的，而且數量足，水準高，唔會人人爭崩頭。
 |
| 即開 |
今時今日，又好像多番啲酒店提供生蠔，這裡也不例外，有即開生蠔，兩款，分別是美國和紐西蘭佳麗，兩者之中，厚大肉厚的美國石蠔，更得我歡心。
 |
| 正呀喂~ |
這兒的波士頓龍蝦，不是凍食，而是芝士焗，香噴噴的，更加吸引。不過，講到吸引，點都要數到邪惡的煎鵝肝，師傅即場的在煎，香氣四射，咬落外脆內溶化的口感，甘香的味道，教人一試難忘。
 |
| 大路款式 |
這邊的芝士，是長年供應，都係那些大路的，如車打芝士，如emmental，仲有我喜愛的Brie。
 |
| 重點之一 |
講起芝士，差點兒忘了，這一大賣點，就是即場的刨出半溶的Raclette Cheese，香濃至極，芝迷絕不可錯過。有關方面曾想過1月會將其取消，幸好到最後關頭，仍決定Keep住供應，實是一大喜訊。
 |
| 掂喎! |
講番1月的法式嘢，有爽嫩的法式焗田螺，佢配上薯茸和紅酒汁，吃起來更有層次。另外，法式的牛扒，生熟程度控制得好，既香且嫩。
 |
| 配沙巴翁 |
法式海龍皇湯，單是材料己羸晒，總之就是鮮。焗蠔吃得多，但沙巴翁焗鮮蠔又真是首嚐。
 |
| 油香 |
油鴨髀，許多時也是頗韌，但這裡的處理，就十分到家，外皮帶微脆，肉嫩兼富油香，人人也吃得痛快。
 |
| 高質素 |
甜品亦唔嘢少，基本的朱古力噴泉、蛋糕、糯米滋外，雪糕也是用上Movenpick，叫人點忍口。
 |
| 下月見啦! |
1月份，你更會品嚐到精緻多款的Éclair，以及Charlotte Cake，當然唔少得清脆而細滑的焦糖燉蛋啦！
期待，再次來臨。
餐廳資料：
3552 3028
好吸引呢
回覆刪除可惜你黎唔到啦~
刪除