新店速遞：Anchor's Seafood & Beer House - 靚景，半自助

食物：$$$
環境：$$$$
服務：$$$

近年，面對住呢個不知所謂既正苦，身邊愈來愈朋友已對香港心淡，或為下一代著想，打算移民外地。

反而，筆者的一位朋友阿Ray，已在英國生活廿多年，在當地有車有樓，落地生根，卻嚷著要回港發展。到底佢係失戀，定係怕左ISIS的恐襲呀？

聖誕新年期間，他回港渡假，當然要抽時間跟他聚一聚舊，了解下英國發生了什麼事，畢竟我們也認識了十多年。

約了食lunch，要找個寧靜舒適、又可以慢慢傾無人趕的地方，實在不是易事。此時，我想起汀蘭居的Anchor’s Seafood & Beer House。清靜之餘，仲送多個無敵靚景俾你。

美景

在我家前去，也十分方便，沿著清風送爽的海邊前行，十多分鐘的步程，便是。

餐廳中午做緊半自助餐，便宜至一百蚊樓下也有交易，貴極都只係二百蚊左右，很克制。始終這裡地方有點偏遠，難以收取「市區價」。

 

唔客氣喇

柯打了主食之後，可以出去兜個圈，取頭盤、沙律。呢個收費，自不會期望有超級多的選擇，不過，Cold Cut、香草三文魚、各式沙律菜、水果及三色椒，甚至日式冷麵，一應俱全，性價比高。
 

仲有最靚既豬腩肉

連掃兩輪頭盤以後，主菜也上桌。Ray與我也看中了豬腩肉，為試得更多，我都係轉要海鱸魚，最多，到時分佢一舊肥豬肉。又，原來佢個份Pork Belly，真係幾肥，我梗係沒有問題，但一般人而言，或者是稍難接受。

好多刺

海鱸魚的賣相平凡，即管試試是否實而不華！下刀便知，魚皮是脆，肉質尚算嫩，只不過很多刺，是筆者的預料之外。早知道，我不會點這味的。反而，墊底的薯茸，軟滑可口。
 

甜品陣

甜品的陣容稱不上豐富，如栗子撻、麵包布丁、朱古力布朗尼，與及朱古力慕絲等，雪糕是用上Dreyer’s，曾經很尊貴的品牌。水準大致不過不失，做得最好的，大概是Brownie，濃郁。
 

是日沒喝咖啡

平時會喝咖啡，是日卻有點點不適，清清地來杯熱檸水，你睇我幾節制！:P

嚮往

 

祝大家也發展順利。

 

 

餐廳資料：

Anchor's Seafood & Beer House

荃灣油柑頭青山公路汀九段123號汀蘭居地下
2945 1138