Mango Tree - 食聖誕大餐啦喂~

食物：$$$
環境：$$$$
服務：$$$1/2

屋企人對食沒什麼要求，小時侯不多機會吃好東西，唯獨是每年的聖誕節，總會去酒店吃自助餐。

長大了，聖誕仍是我全年最喜歡的日子，因節日氣氛，最為濃厚，又會有許多「爬地」，勁多好嘢食。

除左酒店自助餐，呢幾年，Mango Tree同樣推出聖誕Buffet，大家可以多一個選擇。

 

環境唔錯

或許各位都知道，圓方的分店，擁有靚景。早點訂檯，坐在落地玻璃旁用餐，實是舒適。

 

頭盤

泰式自助餐的頭盤，不難想像到，會是泰式醒胃的沙律、蝦餅，以及豬頸肉吧！這柚子沙律，還混入了龍蝦粒，添矜貴感覺。蝦餅和豬頸肉，保持了Mango Tree的一貫小準。
 

竟有凍海鮮

凍海鮮，有蟹有蝦，青口與海螺，先不論味道，跟這品牌好像有點格格不入。不過，自助餐提俱凍海鮮，又好像是合理既事。
 

足料

有個湯，唔係冬蔭公，而是魚肚湯。材料頗充足，仲有埋蟹肉在內，但味道可以重一些。
 

香口

食肉獸對羊架梗有興趣啦！香噴噴的出品，看色澤都好似樣。果然，火侯控制得宜，肉質鬆化，我只嫌佢羊羶味仲未夠強勁。
 

沒太韌

再來，幾款咖喱，先說三文魚，咖喱汁較濃，亦加入了椰汁，三文魚都唔會太韌太嚡口，沒太多投訴。
 

配薄餅

黃咖喱蟹，是這裡的名物。咖哩汁香之餘，也加入了蛋和洋蔥，層次更豐富。甜魔媽媽偏好蟹蓋，就讓她吃吧！我選了啖啖肉的蟹鉗。有人叫了白飯，配這咖喱汁。筆者則來一客薄餅，同樣合適。
 

麵條才是精華

繼續是咖喱，這是泰北風味的咖喱龍蝦麵，味道比剛才的黃咖喱稍辣，但其實也不是會令人噴火的。開邊的龍蝦，被墊底的麵條搶去風頭。沾滿咖喱汁，同埋蝦汁的麵條，有水準。
 

醫甜胃

甜品除了有必吃的芒果糯米飯，更有各式各樣的泰式糕點，滿足大家的甜胃。

餐廳資料:
Mango Tree
尖沙咀柯士甸道西1號圓方(Elements)2樓2032號舖
2668 4884