新店速遞：Gochiso - 見識過~

食物：$$$
環境：$$$
服務：$$$

近月，出現了一個外國流行的品牌，叫做Gochiso，主打日本溝地中海菜。

Fusion與Confusion，一線之差。做得精彩的，教人拍案叫絕。衰起上嚟，叫人吃得媽媽有聲。

Gochiso，到底會是咩料子? 等我同車媽媽去了解一下。

 

 

有點嘈

我們去的，是沙田店，大家都知道，新城市廣場樓下的食肆，多是開放式，呢度都係一樣，幾嘈雜的。
 

麻麻地

套餐跟的沙律，色彩繽紛，但菜蔬感覺不太新鮮，落筆打三更。
 

油

點選的羅勒海老牛油果意粉，大蝦有三舊 (即一隻半)，唔夠慷慨。都無所謂，最弊就是意粉，先不論是否有咬口，真係好油好油好油，吃得滿口是油。因為太油，所以要講三次。
 

普普通通

拼盤內容有炸雞翼、薯條、炸魚與腸仔，雞翼算係不過不失，起碼不是乾柴柴；炸魚都唔太厚粉，腸仔就是普通。總之我對整個拼盤，留不下太深印象。

一次便夠

 

邊喝著凍檸茶，邊傾之後去邊度吃喝玩樂，多麼頹廢啊！

雖不致吃得太惱火，但我與車媽媽有同一感覺，就是一次便夠。

 

餐廳資料：

Gochiso

沙田沙田正街18號新城市廣場1期1樓112號舖

2529 1771