OK 德茶餐廳 - OK得既海南雞

食物：$$$1/2

環境：$$$

服務：$$$1/2

喜歡食海南雞的筆者，在長沙灣打滾了三十多年，知道OK德茶餐廳 (公開飲食網站稱OK德海南雞飯專門店)的存在，卻唔知咩原因，從沒打算到訪，人有時就是這樣奇怪。

直至某一天，一條友搵食，才突然醒覺，決定要來一嚐。

就是茶餐廳格局，肯定也不是新派的茶記，筆者反而覺得頗有親切感。

茶記格局

雖然還有豬髀飯、香茅豬扒飯，甚至乎炒公仔麵的選擇，但我心意已決，只會要海南雞。阿姐話唔使散叫，午餐時段有套餐，可跟湯和飲品的。

 

並不是例水

本身對這兒贈送的湯沒抱任何期望，或會以「例水」去看待。然而，呢個想法，大錯特錯。呷一口，似乎沒師傅存在，更是十分清潤，筆者罕有地會一滴不漏的喝清，水準可想而知。

 

已去骨

飯偏乾身，味道不俗。海南雞已去骨，當然不求什麼雞味，這裡的皮爽肉嫩，已經合格。

 

必需品

吃海南雞飯，最重要還是三色醬。筆者一向愛吃黑漆漆的甜醬汁，撈飯沾雞無得彈，不過呢度既就稍嫌未夠杰身。反而，酸辣醬是做得不錯，夠晒醒胃。有這三色醬作伴，輕而易舉便可完成整碟飯。

 

平民享受

再飲埋凍檸茶，簡單而滿足。

連凍飲$47的海南雞飯套餐，坊間都幾難搵。

餐廳資料:

OK德茶餐廳

長沙灣保安道美寧中心地下

2725 3342