炊公館 - 又中又西

食物：$$$
環境：$$$1/2
服務：$$$1/2

那些中西合璧，或者古靈精怪的餐廳，市面上愈來愈多。不過質素參差，做得好的，可以是米芝蓮星店，蜚聲國際。反而，真係請都唔好去食，無謂浪費Quota。

位處I- square的炊公館，名氣唔細，這會是fusion，抑或是confusion?

橫風橫雨既日子，餐廳空空如也，全場只得我一檯，看見都心傷。
 

 

新拍檔

先點份三文魚籽皮蛋，咸鮮爆汁的三文魚籽，與皮蛋相配，頗為有趣，可惜皮蛋唔夠靚，破壞了食味。
 

第一次見

黃金蝦食得多，黃金薯條呢，聽起來有點怪怪的，食落都勉強可以接受，只是部份薯條仍未炸得透，有點失敗。
 

呢度既主打

再來，是日本毛蟹，一款無咩難度的菜色，只要貨源是新鮮便好了。蟹身啖啖肉，亦有點蟹羔，但我認為，蟹腳才最吸引。

好似我荷包咁乾

 平時吃窩巴，多是鮮茄海鮮等，多多汁的。這兒的鱈魚窩巴，整體感覺就是乾巴巴的，個人不懂欣賞。

呢個唔錯!

 

馬崗豉油鵝，是全晚我最喜歡的菜色。鵝已褪骨，肉質鬆化，醬油很濃夠入味，尾尾帶點甜，我吃了好多件。



我麻麻

甜品方面，既點了香甜鬆化的蛋散，亦有清新的楊枝甘露雪糕，甜胃得以滿足。
 
我，還是喜歡旁邊的阿一海景飯店，雖是同一老闆，但傳統一點，才較合心。

 

餐廳資料:

炊公館

尖沙咀彌敦道63號iSQUARE國際廣場29樓2901號舖

2328 9123