Cafe Gray Deluxe - 靚景下午茶

食物：$$$

環境：$$$$

服務：$$$$

跟朋友聚舊，有人話原來我哋未試過一齊吃下午茶，那就立馬約定在假期，大家好好的去享受下。

咁地點呢? 唔知點解腦海只浮出Upper House呢個地方，所以我就獨裁一點，直接說來這裡，不讓大家再作選擇。

靚景下午茶

身處在Upper House 49樓，面對維港景致，輕鬆地嘆下午茶，跟朋友風花說月賞心樂事。雖然是日天色不大好，卻仍無損我們假日的愉快心情。

 

嘆番下

事不宜遲，反正人人都係食嗰啲嘢，早來早享受，安頓好便馬上柯打喇喂。未幾，三層架便送上，滿滿的食物放在三只長碟上，教人興奮。拍過照後，我唔客氣，要起動啦！

 

開動!

從中間那層的咸點吃起，碎蛋三文治和吞拿魚三文治，我較喜歡後者，大概是我愛麥包多一些，而且吞拿魚的味道亦不錯。另外迷你漢堡也不差，牛肉片軟熟，帶點點攻鼻的辣勁，我喜歡這感覺。三文魚卷配香檸醬，反而有點怪怪的，我不懂欣賞。

 

少不了鬆餅

重點在此

頂頭有下午茶的靈魂Scone以及檸檬藍莓牛油卷，前者混入了些檸檬皮，味道可以接受，只是有少許鬆散，不過，塗上Clotted Cream及果醬，特別是後者，未嚐不可。而檸檬牛油卷，則比較平庸，加上那個三層架的內容咁豐富，所以我只淺嚐了一口。

 

不能沒有甜

筆者最關注的，始終是甜品。我的口味大概轉了，雖不是不喜歡香檳朱古力等的濃郁系列，但更嚮往的，是清新的款式，如白朱古力熱情果慕絲，甚至是鬆脆醒胃的藍莓曲奇。

 

這才圓滿

每次吃完豐富的High Tea，也飽得不用再吃晚飯。今趟也不例外，吃罷再喝完我的Cappuccino，大家捧著肚子去逛逛PMQ，晚上也只是咬了幾粒魚蛋便算。

餐廳資料:

Cafe Gray Deluxe

金鐘金鐘道88號太古廣場奕居49樓

3968 1106