食物：$$$$
環境：$$$$
服務：$$$
老媽子間唔使也會留意下飲食資訊，聽到收音機看過電視介紹，對位處尖沙咀I-square的文鼎壹號充滿期待，只是陰甘陽錯，拖年成年都沒有吃到。趁星期日屋企無飯開，索性出去豪番餐，亞媽終於可以去佢既「夢想餐廳」。
 |
| 附維港景觀 |
擺位好像有少許改變，卡位靠向牆，附維港美景的窗口位就留番俾大檯的客人。Anyway，對於我們是沒有影響的，最緊要係食物能保持水準。
 |
| 甘香 |
三個人無可能吃太多，點一些冷盤，少少熱菜，已經足夠。冷盤的鹽水鴨，肉質不會好韌，但絕對夠入味，且沒有過咸，愈咬愈甘香，有一定水準。
 |
| 名物 |
另一款冷盤是這裡的名物 - 文鼎十八斬。即用上十八種調料，將佢斬開十八碌。以文鼎二字作此菜名，可見店家對此很有信心。我之前嚐過是好得的，斷估今次都唔會有問題。的確，蟹肉是十分鮮美，蟹羔部份尤甚，老豆起初以為會受不了這類生蟹，結果都食唔停口，果然了得。
 |
| 合格 |
老媽子想喝湯，即管來兩客黃魚海蔘羹。以「茶不涼」熱住碗羹，是不錯的安排。呢碗羹質感濃稠得宜，材料十足，總算滿意。
 |
| 豆腐比河蝦更出色 |
再來的河蝦拼依雲豆腐，我是吃過的。還記得當年的河蝦是清炒，未知是否因為太淡味，現在改成了黑松露去炒以增添香氣。然而，河蝦同樣有欠爽口。相反，依雲豆腐就做得相當出色，一來溫度充足，咬下去外脆內嫩，調味也很到家，比河蝦更好吃。
 |
| 刀功一流 |
始終要有多點肉才能滿足，於是就去盡啲，乾脆來客金牌扣肉，是名菜啊！五花肉切得片片都如此薄，造成一個塔型，賣相已經贏晒。吃起來當然是鬆化甘香夠味，底下更有梅菜，又唔會太咸，是極品。
 |
| 獨欠大煎堆 |
原本想食「東方之珠」，但經理說廚房太忙要等好耐，後來又推說師傅實在做不了，只送了一客椰汁桂花糕作補償。雖然經理態度語氣好好，又極可能根本只是師傅唔想做，但我們始終是為著這個大煎堆而來，確實有點敗興。
其實是吃得滿意的，只是有點點美中不足……
 |
餐廳資料:
文鼎壹號
尖沙咀彌敦道63號iSQUARE 國際廣場25樓2501號舖
3153 2188
沒有留言:
張貼留言