食物：$$$1/2
環境：$$$1/2
服務：$$$
四年才一度的世界盃，怎樣也要參與，雖說屋企都有得睇，不過一些大戰，始終是跟三五知已出去睇先有氣氛。
一間保留英式傳統的酒吧餐廳，外邊是酒吧，裡頭就是用餐區。主要目的是來睇波，自然坐外邊了。其實地方也不少的，既有吧檯，又有卡座，任君選擇。在大戰的晚上，預早訂位是必然事了。
反正有兩個鐘，大把時間，先叫一客炸芝士，飲杯啤酒，再慢慢揀選心水食物。對啤酒認識等於零的我，隨便點了枝Hoegaarden，總之夠冰凍順喉就可以，Happy Hour $30/枝，抵飲的。
熱辣辣的炸芝士隨即送上，外層香脆，灑上我喜歡的芝麻，咬落是半流心的羊奶芝士，味道相當濃郁，是非常不錯的佐酒小食。
主食由朋友話事，頭一味是海鮮拼盤。據服務生說，生蠔是澳洲產地，海水味甚重的；蟹肉屬鮮甜，可惜的是千島汁下得太兇，有少許喧賓奪主的感覺，反而墊底的牛油果更討我歡心；香草三文魚，煙得不錯，香草味道恰當；大蝦則相對失色，不夠鮮爽。
雞絲濶麵，醬汁是有如俄國牛柳絲飯的那個樣子，配合幼嫩的雞絲，幾開胃的；濶麵做得爽口彈牙，是意想不到的好。
炸魚薯條這傳統的英式食品，一向是我的心頭好。可惜這個炸得不夠香脆，稔稔的，魚塊亦不算太厚身，幸而魚肉味道尚可，配上Mayo或青豆茸，亦是可以。薯條只是幼身的，反而炸得香口，都收貨吧！
甜品環節，率先有麵包布甸。新鮮焗出來，脹卜卜的，而且又夠厚身，寧舍香口。吃起來濕潤，富蛋香，拌以吉士汁，人間美味。
還有的是朱古力香橙Brownie，蛋糕本身又是濕潤，不過就嫌香橙的味道太重，蓋過了朱古力味。而旁邊的慕思則幼滑，橙肉甜美，亦有香脆的杏仁片，雖及不上麵包布甸般出色，卻都唔差的。
最後的甜品的Pear & Blueberry Crumble，感覺是未夠香口，裡頭有點Blueberry，卻幫助不大，還好的是上面有一球雪糕，起碼做了冷暖交融的效果。不過，這是三款之中最不吸引的。
飲飽食醉，波又睇完，滿足至極，又係時候回家了。
餐廳資料:
Jimmy's Kitchen
尖沙咀亞士厘道29-39號九龍中心地下C及C1舖
2376 0327
沒有留言:
張貼留言