八仙餅家 - 傳統美

食物：$$$$1/2

環境：$$$

服務：$$$

問過身邊一些80後90後的年青朋友對中式餅的看法，答案大概是「老土」、「冇人食架啦」。不過，大部份的中式餅，對我這個老餅來說，是絕對的吸引。我想，我真的老了！

八仙餅店在深水埗大大話話屹立了幾十年，除了林林總總的中式餅外，過時過節仍會有些角仔、笑口棗等賀年食品供應，吸引區內的街坊之餘，不少人甚至會專程驅車來幫襯。

在眾多款式之中，本人仍是鍾情於合桃酥，係真真正正的酥香，入口鬆化，帶微甜，相當好吃。而且Size適中，一口一件，一次過吃十件八件，等閒事。當然，如果是即買即食，熱騰騰的，會更加正。

今次仲買些雞仔餅給同事做下午茶。雞仔餅有好香的南乳味，口感煙煙韌韌，裡頭有點芝麻和五仁，香口又唔黏牙，又是高水準之作。

比起現時重新包裝的中式連鎖餅店，我更喜歡八仙！

餐廳資料:

八仙餅家

深水埗南昌街197號地下

2729-9440