賣豬仔特式燒烤坊 - 乳豬全「睇」

食物：$$$$

環境：$$$

服務：$$$1/2

燒乳豬不嬲都係我喜愛的食物之一，上環的木佬乳豬搬到深水埗，命名賣豬仔，地點更加方便我，咁我又點可以錯過呢?

全隻的燒乳豬，睇見已經開心。戴上手套，用手來吃，更加滋味。豬仔皮香脆鬆化，肉厚亦帶層肥，嫩口不韌，吃起來有層次感之餘，也滿有碳香，是真正高水準的化皮豬。原隻的燒豬仔，只收$298，經濟實惠，為了這隻豬，我一定會重來的。

再吃鹵水豬腳仔，豬皮爽口，肉亦嫩滑，質感是對辦的，唯稍嫌白鹵水汁不夠醇香，否則又會是一道頂級的菜色。

除了乳豬外，其他的燒烤食品同樣不容錯失，單是即叫即燒這一點，都知道怎樣也不會難食。本想燒條大眼雞，可惜是晚售罄，只能改要烏頭。魚肚位置加入了香茅和檸檬葉等香料，再包上錫紙去燒，一定好香。魚皮香脆，背脊位置肉嫩，魚肚位則充滿魚油，又散發出香料的幽香，美味非常，不過我相信大眼雞會更加出色。

燒茄子，皮有點燶，但對我來說不是問題。茄子上舖滿蔥和蒜，自然是惹味，吃落亦夠乾身，不會滿口是油，我頗喜歡的。

還有串燒帶子，一串四粒，細細隻的賣相沒什麼驚喜。幸而，質地尚算爽口彈牙，加上少許的辣味，也吃得過。

吃得興起，串燒老虎蝦也要了。一隻$38，說貴嗎其實也不是，不過心裡總覺有點奢侈。但巨型的老虎蝦，又真的吸引，蝦頭的蝦羔甘香美味，蝦肉爽口彈牙，味道鮮甜，無可挑剔。乳豬以外，這隻大虎蝦也一定要試。

吃過幾次，每次都係一百蚊下可以落樓。以這價錢吃到如此高質素的食物，只得用行動去支持。

感謝ET借出靚靚乳豬全「睇」相片。

餐廳資料:

賣豬仔特式燒烤坊

深水埗順寧道17號1號舖

2194 8188