一輪 - 香噴噴的漢堡扒

食物：$$$1/2
環境：$$$$
服務：$$$$

數月前，挽肉と米在IFC開店，排隊排半天的空前盛況，相信大家仍歷歷在目。依家，佢已經係尖沙咀開設了分店。

類似既玩法，除左肉肉大米，心目中仲有間叫一輪。印象中，這裡是比挽肉と米更早係香港出現。

其實佢都係荃灣既人氣店，至少在今時今日的市道，仍是幾乎每天也要掛隊入座。

跟挽肉と米一樣，都是圍著坐「吧櫈」，睇住師傅表演。

食物選擇當然唔會多，用QR Code落完單，就慢慢欣賞師傅製作。看著師傅將一大盤的漢堡肉煎過，然後再燒，唔算同高既技術要求，但看著又是幾治癒的。

下單後不久，店員便奉來味噌湯和前菜小碟，在窄暖還寒的天氣，呷一口熱湯，是舒服的，若味道可以輕手啲，會更迷人。

飲完碗湯，兩球的漢堡肉也準備妥當，我選擇的是一件原味，一件微辛番茄汁味。若然你係重口味的朋友，芝士可能會更討你歡喜。

漢堡用上北海道自家農場直送和牛來做，入口鬆軟，撈埋生雞蛋，兩款我覺得都不錯，後者雖說是微辛番茄汁，但我就吃不出半點的辣味，反而幾醒胃。個人建議，自行唧一點芥末，能收畫遽點睛之效。

用的當然是日本珍珠米，任添！

餐廳資料:
一輪
荃灣楊屋道18號荃新天地2地下一門町市場J36-38號舖
28118677