海外篇：飛船牛肉粉 - 驚天動地Banh Canh Cua

食物：$$$$

環境：$$$1/2

服務：$$$$

在悉尼市中心的Pho Pasteur吃過生牛肉河粉，印象幾好，但要食更出色的越南嘢，就要走到俗稱越南街的Cabramatta。

據聞，在這條街閉上眼亂挑一間餐廳都會好正，但朋友今云指明要帶來吃這家，飛船牛肉粉。

   

店家叫得飛船牛肉粉，一心以為生牛河係必吃，但熟客仔朋友話非也，有一味Off Menu的東西，是她的頂級推介。

她口中的食品，正是Banh Canh Cua，即蟹肉海鮮湯米粉。

呷啖湯，真係不得了。超濃郁的蟹皇味，邪惡非常，材料也真夠多，有蟹肉、魚肉、薰蹄等等。至於越南米粉，其實係木薯粉所造成，粗身圓型的，入口細滑。一口粉，一口湯，一再一啖配料，我倆是吃到停不了口，直至扎湯也喝得一滴不剩為止。

再點份小食吧！二人些牙了一客扎肉粉卷，其粉卷餡料足，若能吃辣的朋友，佢既魚露辣椒真係一絕，必試。再說扎肉，口感與味道比香港的實在得多，贏九條街。

連續幾天吃勁多香口嘢，飲杯蜂蜜茶滋潤下，也好。

正如朋友所言，若然來到只吃碗牛肉河，那便太可惜了。

只能說網上無咩人介紹過這兒的Banh Canh Cua。

順帶一提，Cabramatta呢區係比較雜，建議女士不要在晚上單獨前來。

餐廳資料:
飛船牛肉粉
12/117 John St, Cabramatta NSW
(61) 2 9726 4583