The 5B Private Corner - 有線旁的小天地

食物：$$$1/2

環境：$$$$

服務：$$$$

有線電視大樓旁的工廈，存活著一家西餐廳，叫The 5B Private Corner，我偶爾會去幫襯。

環境是賣點之一，舒適，有唔少影相位，仲有書睇，有Board Game玩。食物亦唔遜色，能令筆者一來再來，總唔會衰得去邊。

是晚，沒有訂枱，兩條友走上去碰碰運氣，還幸時間尚早，唔須要等位。

     

沙律與餐湯有齊，唔使二揀一。爽脆的菜蔬，結合黑醋汁，酸酸甜甜好醒胃，蕃茄湯同樣令人胃口大開。將大大片牛油"暴塗"在多士上，邪惡但滿足。

先點來份小食，黃金廣島蠔。睇名，以為係炸蠔，實質是煎的。廣島蠔個子不很大，但煎至邊位香脆，味道還好。

主食挑了西班牙黑毛豬，配意粉。頗厚身，邊位帶點肥脂，外表有幾分似牛扒。質感當然完全不同，又，始終慢煮做法，肉質自會鬆化，配以適度調味，好吃。沾些店方自家制的蘋果醬，清新。意粉，則只是普通貨色，其實店家大可玩盡一點，用上更好的麵條。

Regular Coffee，跟上的奶是暖的，配套唔錯。只是，杯咖啡苦過我條命。

日式芝士蛋糕，細滑可口，配這杯咖啡，正好不過。

食物仍是合格，可惜當晚有十多人開生日會，嘈到拆天。當然，這不是店方既問題，食客本身也須自重。

餐廳資料:
The 5B Private Corner
荃灣柴灣角街38-40號銓通工業大廈5樓B室
39563926