孔夫子 - 時辰就到因果有天報

食物：$$$1/2

環境：$$$1/2

服務：$$$1/2

辛苦工作五天，試問有誰不想週末跟朋友/家人去飲餐茶輕鬆下？之不過，這兩個多月以來，實在令人無心情去吃吃喝喝。

難得有個週末，可以暫時抽離，同埋外甥女BB一齊飲茶，值得記錄下。

揀孔夫子原因好簡單，就近我阿妹，始終帶著小朋友，還是要安全至上。

    

蜜汁叉燒早己成為飲茶必點的東西，無論去邊間酒店或酒樓。這裡用上黑毛豬，但我覺得肉質過份的腍，腍得有點失真，還幸肉香與蜜味適中。

見這兒的餐牌，川滬粵菜色俱備，包括有呢味餚肉。不會凍得死實實，比預期中要好。

飲茶始終要食點心，蝦餃好大粒，大家見到黑色一點點的，是黑松露。澄麵皮不黏牙，蝦肉多且爽口，最好更是混入了筍尖，但味偏淡口，靠松露香去作彌補。叉燒包是為小朋友而設，見佢食到停唔到口，應該唔會太差吧！

蒸點大致合格，又試一客炸的，鵝肝醬米網春卷。脆是脆，但鵝肝醬卻完全失去蹤影。

又柯打了一碟「師奶淫得很」俾小朋友食。唔好誤會，店家無咁玩得，呢碟既官方名字只是鮮蝦銀針粉。以雞蛋炒銀針粉，十分香口，個人頗欣賞，鮮蝦體型亦巨大，爽口。

老媽子對火焰松露野菌文昌雞感興趣，不妨來一份。日光日白，點火也看不清火焰。雞肉是嫩滑，反而野菌是偏咸，配上白飯或會合適。

結尾既鮑汁花膠絲撈粗就很好，沒半點鹼水味，爽身好吃。

叫一籠壽包作甜點，可惜沒有蛋黃，失望，差點想將之撤回。

壽包無蛋黃，於我而言，係死罪~

忽然想起孔子曰的一句歌詞：時辰就到因果有天報！

餐廳資料:
孔夫子
觀塘駿業街58號3樓
31033833