聚福樓 - 名字很玩味，製作卻認真

食物：$$$$

環境：$$$$

服務：$$$$

聚福樓，驟耳聽其名字，百分百會覺得是中式酒樓，食蝦餃燒賣同燒味的地方。

然而，世事無絕對，只有真情趣。屯門有間聚福樓，不過卻是如假包換的Cafe，如不是朋友說想來試，我直頭唔知有間咁搞嘢的東西。

由於名字與預期有太大反差，特意上網搜尋下佢既來龍去脈，據知店主的岳父在澳大利亞曾開過一家餐館，正正是叫聚福樓，所以這Cafe便沿用了這個名字。

又，店子英文名叫Joy Food Lounge，同聚福樓又幾夾喎！

   

高樓底是這裡最大的賣點，牆上圍滿了(假)植物，感覺上有幾分像泰國馬來西亞的Cafe，個人頗喜歡這兒的氛圍。

山長水遠入到來，朋友竟然要吃沙律？原來店子的其中一款招牌菜色，正是聚福樓大晒健康沙律。份量的確很大 (當然了，在屯門夠膽收百幾蚊個沙律），大量的菜蔬，全都很新鮮，而且更混入了超甜的士多啤梨和藍莓等果肉，以及健康之黎麥及爆珠，蠻豐富，再以黑醋調味，感覺清新輕怡。正如朋友所言，若能再放些麵包粒在內加強層次，可能會更理想。

我的選擇，是Brunch的熱門項目，賓尼特蛋。除了有水波蛋、荷蘭汁以及『鬆餅』三大元素外，仲見到火腿和羽衣甘藍，大概不是很正宗的出品，但我中意。

破開水煮蛋，任由蛋汁緩緩流出，滲進包身，再連同其他配料一同放入咀巴，唔錯。旁邊還伴上一埋沙律，讓大家吃得健康。

呷口拿鐵，勝在夠熱，咖啡底味道頗濃郁，合我心水。

人家通常在這類咖啡店待上一個中午，不過我們吃了半句鐘便離開，實在還未懂得享受慢活。

餐廳資料:
聚福樓
屯門青善街28號康景花園地下1號舖
23626968