食物：$$$$
環境：$$$$
服務：$$$1/2
曾無限期暫緩的辣局，因為某種原因，得以重新啟動，趕得及做冬之前，跟大家刺激一番。
數數手指，對上一次辣聚已是年頭既事，換句話說，接近一年沒有與幾位辣友碰面。
諗來諗去都唔知去邊好，倒不如翻兜湖南軒，之前吃過覺得唔錯。
大家老友鬼鬼，唔使拘泥，邊吃涼菜邊等就最好。擂辣椒茄子嫩口無渣，且香氣四溢。松花皮蛋溏心非常靚，的確夠香又沒怪味。
兩款涼菜做得出色，但麻辣牛展就要彈下，頗韌的，要花點氣力去咀嚼。
是夜的菜色，完全超晒標，又豬肝又腰花咁，邪惡到一個點。小炒豬肝，口感雖沒厚切佳，勝在也惹味粉嫩。腰花的個性較強，不是人人接受到，我卻偏偏喜歡它，酸辣做法亦合適。
想不到新辣友也是正義朋友，說想要消滅豬腳皮，那就一齊吧！膠質豐富的豬腳皮，連同蒜芯一起放入口更正。
大家Encore湖南軒，某程度上是為了這味虎皮扣肉。入口溶化的扣肉，瘦的部份亦沒半點韌，甘香鬆化，汁醬更是不得了，馬上以缽仔飯來伴之，精彩！
最後有我點的土豆絲。這道菜色，有人喜歡乾身香口的，我反而更鍾情於偏濕潤的版本，跟爽脆的薯絲，我覺得更夾。
甜魔媽媽無私地帶來DUO
Patisserie的聖誕系列甜品跟大家分享，件件都好精緻，我挑了可愛的雪人撻，好睇又好食。
下次再聚，相信是團年飯局吧～
餐廳資料:
湖南軒
銅鑼灣軒尼詩道499號永光商業大廈4樓
26026808
擂辣椒茄子太好味喇！
回覆刪除正
刪除