幸腹滿屋日本料理 - 止下癮

食物：$$$

環境：$$$1/2

服務：$$$1/2

天時熱，想食壽司刺身開下胃，可以理解。然而，到了十二月尾，仍然渴望吃刺身，仲要係平價貨色都唔放過，我是有病嗎？

朋友介紹，話呢間幸腹滿屋日本少理，平平地都食得過。

我有點R頭...... 係呢頭返過工，又在附近打過唔少次波，算是半個主場，卻對這裡沒什麼印象？！

   

唔打緊，幾十蚊個丼飯，即管試一次。午餐有跟沙律和麵豉湯，前者菜蔬稱不上好新鮮，只勝在伴了胡麻醬，感覺清爽。麵豉湯顯得有點兒淡口，但總好過係搶喉既。

波友選來雜錦刺身飯，盛惠一百個大洋。甜蝦、海膽、魚籽、三文魚、吞拿魚，乜乜乜，鋪滿了整個飯，或者大家都會覺得好豐富。試了件油甘，無乜味道；北寄貝是『橡膠』貨色。當然，我明白，一分錢一分貨，呢個價錢係咁上下了。

反而，我的蔥碎吞拿魚飯更好，至少沒有腥味，幾好下飯，而米飯亦唔會死實實，我可以吞下整碗飯。

咖啡卻來得有點馬虎，半杯不到，加之熱度不足，茶記質素好過佢，我有衝動想將之打回頭。

餐廳資料:
幸腹滿屋日本料理
荔枝角長沙灣道912-914號時信中心地下1號舖
23704288